ადვოკატი - ბესიკ თამლიანი გახდა თავისუფალი აზრის გამოხატვის მსხვერპლი

ჰიმნის სიმღერითა და დროშის ფრიალით არ მგონია ირღვეოდეს გირაოს პრინციპები, ბესიკ თამლიანი გახდა თავისუფალი აზრის გამოხატვის მსხვერპლი, - ამის შესახებ 29 ნოემბერს სასამართლოსთან მიმდინარე აქციაზე დაკავებული ბესიკ თამლიანის ადვოკატმა თეონა ქორიძემ სასამართლო პროცესის დასრულების შემდეგ განაცხადა.

ადვოკატის ინფორმაციით, ბესიკ თამლიანი პროტესტის სახით შიმშილობას აპირებს და შემდეგი პროცესი 27 იანვარს ჩაინიშნა, შესაბამისად უცნობია თუ როგორი იქნება ამ დროისთვის მისი ჯანმრთელობის მდგომარეობა.

,,სამწუხაროდ, მოსამართლემ ჩვენს მიერ შეთავაზებული გირაო არ დააკმაყოფილა. მას არ ჰქონდა არანაირი საფუძველი, რომ არ დაეკმაყოფილებინა. პროკურორის განცხადებით, ეს იყო განმეორებითი, მსგავსი დანაშაული და გირაოს დარღვევა. ჰიმნის სიმღერის და დროშის ფრიალით არ მგონია ირღვეოდეს გირაოს პრინციპები, ბესიკ თამლიანი გახდა თავისუფალი აზრის გამოხატვის მსხვერპლი. თუ საქართველოში პირი გამოხატავს თავისუფალ აზრს და ეს ოდნავ ხმამაღლა გამოგივიდა, აუცილებლად სამართალდამცველების ტყვე უნდა იყო. იმედს ვიტოვებთ, რომ მტკიცებულებების გამოკვლევის ეტაპზე ნამდვილად დადასტურდება მისი უდანაშაულობა.

ბესიკ თამლიანმა თქვა, რომ პროტესტის სახით შიმშილობას აპირებს. 27 იანვარს ჩაინიშნა შემდეგი პროცესი და არ ვიცი როგორი სიტუაცია იქნება. არაფრის გამო ადამიანი უნდა იჯდეს და ელოდოს რა გადაწყვეტილებას მიიღებენ”, - აღნიშნა თეონა ქორიძემ.

შეგახსენებთ, თბილისის საქალაქო სასამართლოს გადაწყვეტილებით, 29 ნოემბრის აქციაზე დაკავებულ ბესიკ თამლიანს აღკვეთის ღონისძიების სახით პატიმრობა შეეფარდა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!