შავი ზღვის საერთაშორისო უნივერსიტეტი ადამიანის უფლებების სამართლის საუნივერსიტეტო კვირეულში მონაწილეობს

IBSU ადამიანის უფლებების სამართლის საუნივერსიტეტო კვირეულში ორი საჯარო ლექციით მონაწილეობს - „სოციალური მედია და სიტყვისა და გამოხატვის თავისუფლება“ და „შრომის პირობების დაცვა და პანდემიასთან დაკავშირებული შეზღუდვები“. ამის შესახებ ინფორმაციას შავი ზღვის საერთაშორისო უნივერსიტეტის პრესსამსახური ავრცელებს.

მათივე ინფორმაციით, 8 დეკემბერს, საპანელო დისკუსიას - „შრომის პირობების დაცვა და პანდემიასთან დაკავშირებული შეზღუდვები“ , ჩაატარებენ შრომის ინსპექტორი ბექა ფერაძე, საქართველოს პროფკავშირების გაერთიანების თავმჯდომარის მოადგილე - რაისა ლიპარტელიანი და შავი ზღვის საერთაშორისო უნივერსიტეტის ასოცირებული პროფესორი, კოლექტიური შრომითი დავების მედიატორი - გოგა კიკილაშვილი.

9 დეკემბერს, საჯარო ლექციას გაუძღვება იურისტი, მედიაექსპერტი, კოალიცია „მედიის ადვოკატირებისთვის“ კოორდინატორი - ნათია კაპანაძე, თემით „სოციალური მედია და სიტყვისა და გამოხატვის თავისუფლება“.

„ყველა ადამიანი იბადება თავისუფალი და თანასწორი, თავისი ღირსებითა და უფლებებით. ადამიანის უფლებების საყოველთაო აღიარება კაცობრიობის ისტორიის ერთ-ერთ ყველაზე მნიშვნელოვანი ნაბიჯია და წარმოადგენს თავისუფლების, სამართლიანობისა და საყოველთაო მშვიდობის საფუძველს. შესაბამისად, ჩვენი უნივერსიტეტის ლექტორებისა და სტუდენტების მონაწილეობა ადამიანის უფლებათა საუნივერსიტეტო კვირეულში მნიშვნელოვანია საზოგადოების მშვიდობიანი თანაცხოვრების უზრუნველყოფის, დემოკრატიის პრინციპების სიღრმისეულად გააზრებისა და პრაქტიკაში დამკვიდრების თვალსაზრისით“, - განაცხადა IBSU-ს სამართლის ფაკულტეტის დეკანმა ქეთევან ქოქრაშვილმა.

ამასთან, ინფორმაციაში აღნიშნულია, რომ ადამიანის უფლებების სამართლის საუნივერსიტეტო კვირეულში, რომელიც პანდემიის გამო, უკვე მეორე წელია, ონლაინ ტარდება, საქართველოს 14 უნივერსიტეტი მონაწილეობს. წელს კვირეული 2-10 დეკემბერს გაიმართება.

ადამიანის უფლებების სამართლის საუნივერსიტეტო კვირეულის მიზანია, სტუდენტებსა და ახალგაზრდებში ადამიანის უფლებების პრობლემური საკითხების შესახებ ცოდნის გავრცელება და უნივერსიტეტების თანამშრომლობის გზით ადამიანის უფლებების სამართლის შესახებ იდეათა და მოსაზრებათა აქტიური ურთიერთგაცვლა.

ადამიანის უფლებების სამართლის საუნივერსიტეტო კვირეული ტარდება ამერიკის შეერთებული შტატების საერთაშორისო განვითარების სააგენტოს მიერ დაფინანსებული პროგრამის „კანონის უზენაესობის მხარდაჭერა საქართველოში" (USAID-PROLoG) მხარდაჭერით.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 30.06.2022
გოგა მელიქიძე - საპენსიო ფონდი მნიშვნელოვან ზრდას განაგრძობს
კახა ოქრიაშვილი - „ყაველაშვილის ტრიო“ მომავალში მრავალი პოლიტიკური ტრიუკისთვის იქნება გამოყენებული
„ფოთის ახალ საზღვაო ნავსადგურში“ დოკერისა და მძღოლ-ოპერატორების კურსებზე პრაქტიკულ სწავლებას 40-ზე მეტი პირი გადის
„ონისი“ - 3 მეგობრის მიერ დაწყებული გემრიელი ბიზნესი
კარდიოასმაგნე - გულ-სისხლძარღვთა დაავადებების პრევენცია და მკურნალობა
„ლიბერთი“ მასწავლებელთა პოპულარიზაციის გლობალურ კამპანიას უჭერს მხარს
მელიქიშვილის 10 ნომერში სასტუმრო ”რამადა თბილისი” გაიხსნა
სს „ლიბერთი ბანკის“ გენერალურ დირექტორად ბექა გოგიჩაიშვილი დაინიშნა
"არქი" ოქროს ბრენდის გამარჯვებული გახდა
ისტორიული დღე ვატიკანში - პირველად, სიქსტის კაპელაში, ქართული გალობა გაისმა