მიხეილ სააკაშვილი - ვინ მასამართლებს მე, ადამიანს, რომელსაც საქართველოდან არაფერი წამიღია, თითზე გადასახვევიც კი

ვინ მასამართლებს მე, ადამიანს, რომელსაც საქართველოდან არაფერი წამიღია, თითზე გადასახვევიც კი, - ამის შესახებ საქართველოს ყოფილმა პრეზიდენტმა, მიხეილ სააკაშვილმა მის სასამართლო პროცესზე განაცხადა.

მან პროკურორები და მოსამართლეები კორუფციასა და თანხის გაფლანგვაში დაადანაშაულა.

„იყო დრო, როდესაც საქართველოდან წავედი, მართლა საჭმლის ფულის პრობლემა გვქონდა. მერე დავიწყე ლექციების კითხვა. ვაღიარებ, ბოლო წლებში უკრაინაში ასე კარგად არასდროს ვყოფილვარ იმიტომ, რომ როგორც იქნა ბიზნეს სექტორისა და სახელმწიფოს მიერ ჩემი გამოცდილება დაფასდა, მაგრამ ვინ მასამართლებს მე, ადამიანს, რომელსაც საქართველოდან არაფერი წამიღია, თითზე გადასახვევიც კი. ვინ მასამართლებს მე? კლანის ხელმძღვანელმა, ლევან მურუსიძემ პანდემიის დროს ეკონომიკა რომ ჩამოგვეშალა, მრავალი ასეული ათასი გადაიხადა ფეშენებელურ სასახლეში და ასევე, 102 ათასი დოლარი ავტომობილში. არაფერი მოუპარავს ჰო?! მე პრეზიდენტი ვიყავი და ასეთი არაფერი იყო. ტელევიზორში ვნახე მთავარი პროკურორის სასახლე, რომელიც არც დამესიზმრება. მეგონა, კიევში მაგარი სახლი ავაშენე, პატარა „სარაიაა“ იმასთან შედარებით, რაც შოთაძემ და მისმა მოადგილეებმა გადაიხადეს. ფარცხალაძემ რომელიც თქვენი მამა-მარჩენალია, გადადგომიდან რამდენიმე კვირაში 3 მლნ ლარის უძრავი ქონება დაირეგისტრირა“,-განაცხადა სააკაშვილმა. ცნობისთვის, თანხების გაფლანგვის საქმეზე, რომელზეც საქართველოს ყოფილი პრეზიდენტი მიხეილ სააკაშვილია ბრალდებული, თბილისის საქალაქო სასამართლოში დღეს პროცესი იმართება. თანხების გაფლანგვის საქმეზე მიხეილ სააკაშვილთან ერთად ბრალდებულია სახელმწიფო დაცვის სპეციალური სამსახურის ყოფილი უფროსი თეიმურაზ ჯანაშიაც. პროკურატურა ბრალდებულებს საბიუჯეტო თანხის დიდი ოდენობით - 9 მილიონი ლარის ჯგუფურად გაფლანგვას ედავება.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა