რატი იონათამიშვილი - სააკაშვილი თავად სცემს პასუხს კითხვას, თუ რატომ არა აქვს მას და მის პოლიტიკურ გუნდს ქართული საზოგადოების მხარდაჭერა - არც არასდროს ექნება!

მიხეილ სააკაშვილი თავად სცემს პასუხს კითხვას, თუ რატომ არა აქვს მას და მის პოლიტიკურ გუნდს ქართული საზოგადოების მხარდაჭერა - არც არასდროს ექნება! - ამის შესახებ ჟურნალისტებს “ქართული ოცნების“ დეპუტატმა რატი იონათამიშვილმა განუცხადა.

იონათამიშვილმა სააკაშვილის მიერ სასამართლო პროცესზე გაკეთებულ განცხადებებს პოლიტიკური ცინიზმი უწოდა.

“პოლიტიკური ცინიზმია, რომ ადამიანი, ვინც ყველაფერი გააკეთა იმისთვის, რომ ქართული დემოკრატია დაეზიანებინა, ადამიანის უფლებები და საკუთრების უფლება გაენადგურებინა, მედია დაემონებინა, ახლა ნიანგის ცრემლებით საუბრობს მედიის თავისუფლებაზე, საკუთრების უფლებაზე და გვეუბნება, ხომ არ გვენატრება ის მეთოდები, რითაც ის ქვეყანას მართავდა, რაც ჩვენი ქვეყნის დემოკრატიის ისტორიაში ნამდვილად შავი ლაქაა“, - განაცხადა რატი იონათამიშვილმა.

მისივე თქმით, არც სამართლებრივი, არც სახელმწიფოებრივი და არც მორალური საფუძველი იმისა, რომ მიხეილ სააკაშვილი თავისუფალი იყოს, არ არსებობს.

“ეს ეწინააღმდეგება ქვეყნის სამართლიან განვითარებას და დემოკრატიულ პრინციპებს“, - დასძინა რატი იონათამიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს