თბილისში კონფერენცია „ადგილობრივი თვითმმართველობის დეცენტრალიზაციის პლატფორმა" გაიმართა

საქართველოს პრეზიდენტის პატრონაჟით, თბილისში კონფერენცია „ადგილობრივი თვითმმართველობის დეცენტრალიზაციის პლატფორმა" გაიმართა, რომელშიც მონაწილეობა მიიღეს პრეზიდენტის მრჩევლებმა რეგიონული პოლიტიკის საკითხებში იაგო წიკლაურმა, რეგიონებთან ურთიერთობის საკითხებში ნინო ცქიტიშვილმა და შშმ პირებთან ურთიერთობის საკითხებში სიმონ პეტრიდისმა. ამის შესახებ ინფორმაციას საქართველოს პრეზიდენტის ადმინისტრაცია ავრცელებს.

უწყების ცნობით, პლატფორმის მიზანია გააერთიანოს სახელმწიფო სტრუქტურების წარმომადგენლები, საერთაშორისო ორგანიზაციები, სამოქალაქო საზოგადოების ორგანიზაციები და ექსპერტები, რომელთაც აქვთ ადგილობრივ დონეზე გადაწყვეტილებების მიღებისა და მოქალაქეების ჩართულობის გამოცდილება და ასევე, თვითმმართველ ერთეულებში საბიუჯეტო პროცესის განვითარების ხელშეწყობა.

„კონფერენციაზე განიხილეს ქვეყანაში დეცენტრალიზაციის და ადგილობრივი თვითმმართველობის გამოწვევების საკითხები.

კონფერენცია მისასალმებელი სიტყვით გახსნა საქართველოს პრეზიდენტის მრჩეველმა რეგიონული პოლიტიკის საკითხებში, იაგო წიკლაურმა და აქცენტი გააკეთა მოქალაქეთა ჩართულობაზე და მმართველობის პარტნიორობაზე ადგილებზე, ევროკავშირთან ასოცირების ხელშეკრულებით აღებულ საერთო ვალდებულებებზე და თვითმმართველობის დემოკრატიული განვითარების პერსპექტივებზე.

აღინიშნა, რომ ქვეყანაში უნდა განხორციელდეს ისეთი პროგრამები, რომლებიც დაეხმარება მოქალაქეებს ადგილებზე გახდნენ პარტნიორი მმართველები.

კონფერენციაზე სიტყვით გამოვიდნენ ასევე: საქართველოში პოლონეთის რესპუბლიკის ელჩის მრჩეველი, საქართველოს რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, საქართველოს პარლამენტის რეგიონული განვითარებისა და თვითმმართველობის კომიტეტის თავმჯდომარე სოზარ სუბარი, რომელთაც ხაზი გაუსვეს თვითმმართველობის განვითარებაში მოსახლეობის ჩართულობის პროგრამებისა და ევროკავშირისკენ მიმავალ გზაზე მათი განხორციელების მნიშვნელობას.

კონფერენცია „საქართველოში პოლონეთის სოლიდარობის ფონდისა” და „საქართველოს ადგილობრივი თვითმმართველი ერთეულების ფინანსისტთა ასოციაციის“ ორგანიზებით ჩატარდა და მას ესწრებოდნენ: მუნიციპალიტეტების მერები, საქართველოს პარლამენტის, საქართველოს ფინანსთა სამინისტროს, ინფრასტრუქტურის და რეგიონული განვითარების სამინისტროს, პოლონეთის საელჩოს, მოლდოვას და უკრაინის წარმომადგენლები და ექსპერტები”, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს