მამუკა მდინარაძე - ევროპის ქვეყნების ნახევარზე მეტში 5%-იანი საარჩევნო ბარიერია - ევროპის ქვეყნების ნახევარზე მეტში რაღაც რომ კარგადაა მიჩნეული, რატომ უნდა იყოს ჩვენთან ცუდი

ევროპის ქვეყნებში ნახევარზე მეტში არის 5%-იანი საარჩევნო ბარიერი - ევროპის ქვეყნების ნახევარზე მეტში რაღაც რომ კარგადაა მიჩნეული, რატომ უნდა იყოს ჩვენთან ცუდი?!, - ამის შესახებ „ქართული ოცნების“ აღმასრულებელმა მდივანმა მამუკა მდინარაძემ „პალიტრანიუსის“ გადაცემაში „თავისუფალი სტუდია“ განაცხადა.

მამუკა მდინარაძემ ასევე აღნიშნა, რომ მიუხედავად განსხვავებული პოზიციისა, საარჩევნო ბარიერთან დაკავშირებით „ქართული ოცნება“ ოპოზიციასთან კომპრომისულ ვარიანტზე მსჯელობისთვის მზადაა.

„საიდან მოვიდა ცვლილებებზე საუბარი?! ეს იყო კონსენსუსი 19 აპრილის შეთანხმების, გარკვეული კომპრომისი და ხელისუფლების მხრიდან გადადგმული ნაბიჯი. არცერთ მომენტში მე პირადად და ხელისუფლების არცერთ წარმომადგენელს არ უთქვამს, რომ ეს არის ძალიან კარგი და ეს ძალიან მოგვწონს. პირიქით, ყველა განცხადება იყო ასეთი, რომ შეიძლება, ეს არ იყოს კარგი, იდეალური და შეიძლება მიგვაჩნდეს, რომ 5- პროცენტიანი ბარიერი უკეთესია, ვიდრე 2%-იანი.

თუ ჩვენს და სხვის განცხადებებს თავს დავანებებთ და ვილაპარაკებთ იმაზე, რა არის უკეთესი, მე მაგალითად მიმაჩნია, რომ შეიძლება, 4-5% იყოს უკეთესი, იმიტომ, რომ ევროპის ქვეყნების ნახევარზე მეტს აქვს ასე, ხომ არ გვეპარება ეჭვი, რომ ევროპის ქვეყნებში კარგი კონსტიტუციონალისტები არიან.

ვილაპარაკოთ იმაზე, რა პრაქტიკაა ევროპაში, ჩვენ ხომ სწორება აქეთ გვაქვს. თუ ჩვენ ვთანხმდებით იმაზე, რომ ევროპის ქვეყნებში ნახევარზე მეტში არის 5%-იანი საარჩევნო ბარიერი, 2 - პროცენტიანი ბარიერი და უფრო ნაკლები არის მხოლოდ 2-ში. უბრალოდ ამ სტატისტიკასაც რომ გავყვეთ, ე. ი. ჯობია 5%, მაგრამ საკამათოა, მე თვითონაც გეუბნებით, შეიძლება ჯობდეს 4% ან 3%, მაგრამ კონსენსუსზე როცა ვსაუბრობთ, კონსენსუსი ხომ არ შეიძლება იყოს ცალმხრივი კომპრომისის საფუძველზე შექმნილი.

ევროპის ქვეყნების ნახევარზე მეტში რაღაც რომ კარგადაა მიჩნეული, რატომ უნდა იყოს ჩვენთან ცუდი ამისი საპირისპირო არგუმენტი ჩვენ მოსმენილი არ გვაქვს, თუმცა ეს იმას არ ნიშნავს, რომ ჩვენ ასევე ჯიუტად ვაპირებთ დავტოვოთ 5%, მეორე პირობა ძალაშია, კომპრომისი ჩვენი მხრიდან იქნება, თუ მეორე მხრიდან ასეთივე სახის რაღაცა კომპრომისს მაინც დავინახავთ. ჩვენ დავსხდებით სამსჯელოდ და გადავწყვიტოთ ისე, როგორც გრძელვადიან პერსპექტივაში სჭირდება ამ ქვეყანას”, - განაცხადა მამუკა მდინარაძემ.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 27.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი