კარლ ჰარცელი - 2%-იან ბარიერს მხარი 126-მა დეპუტატმა დაუჭირა, ეს იყო უნიკალური შემთხვევა, როცა ვიხილეთ ფართო კონსენსუსი, მნიშვნელოვანია, ეს იმპულსი არ დაიკარგოს

შესაძლებელია იმაზე დისკუსია, თუ რა არის საუკეთესო საარჩევნო ბარიერი ქართული დემოკრატიისთვის, სად უნდა გადიოდეს საუკეთესო ზღვარი პლურალიზმის ხელშესაწყობად, – ამის შესახებ საქართველოში ევროკავშირის ელჩმა კარლ ჰარცელმა განაცხადა.

მისი თქმით, დაახლოებით 3 თვის წინ 2%-იან საარჩევნო ბარიერს მხარი 126-მა დეპუტატმა დაუჭირა და ძალიან მნიშვნელოვანია, არ დაიკარგოს ეს იმპულსი და შენარჩუნდეს.

„მსურს, კომენტარი გავაკეთო გუშინდელ დებატებთან დაკავშირებით, რომელიც 2%-იან ბარიერს შეეხებოდა. ჩემი შეხედულება ძალიან ნათელია. შესაძლოა იყოს განხილვები იმასთან დაკავშირებით, რა არის ქართული დემოკრატიისთვის სრულყოფილი საარჩევნო ბარიერი, სად უნდა გადიოდეს საუკეთესო ზღვარი პლურალიზმის ხელშესაწყობად, მაგრამ აქ ძირითადი საკითხი არის შემდეგი: ჩვენ ამ საკითხზე გასული წლის შემოდგომაზე გვქონდა მსჯელობა, რასაც მოჰყვა გაზაფხულზე მედიაციისა და ფასილიტაციის მცდელობები და რისი კულმინაციაც 19 აპრილს მიღწეული შეთანხმებით განხორციელდა. მას შემდეგ ჩვენ ვიხილეთ, რომ ამ შეთანხმების ნაწილი გარდაიქმნა საკონსტიტუციო ცვლილებად, რაც დაამტკიცეს კენჭისყრით. 2%-იან ბარიერს მხარი 126-მა დეპუტატმა დაუჭირა. ეს მოხდა დაახლოებით 3 თვის წინ. ეს იყო უნიკალური შემთხვევა, როდესაც ვიხილეთ ასეთი ფართო კონსენსუსი. ვფიქრობ, ძალიან მნიშვნელოვანია, არ დაიკარგოს ეს იმპულსი და შენარჩუნდეს ეს მნიშვნელოვანი კონსენსუსი,“- აღნიშნა ელჩმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!