ნიკოლოზ ყიფშიძე - მიხეილ სააკაშვილს აქვს გამოკვეთილი საერთო სისუსტე და არასტაბილური მდგომარეობა, რაც ახასიათებს პოსტ-ტრავმატულ სინდრომს და წამების შემდგომ მდგომარეობას, არ არის კარგად

ამჟამად აქვს გამოკვეთილი საერთო სისუსტე და არასტაბილური მდგომარეობა, რაც ახასიათებს პოსტ-ტრავმატულ სინდრომს და წამების შემდგომ მდგომარეობას, არ არის კარგად, - ამის შესახებ მიხეილ სააკაშვილის პირადმა ექიმმა ნიკოლოზ ყიფშიძემ გორის სამხედრო ჰოსპიტალში მესამე პრეზიდენტის მონახულების შემდეგ განაცხადა.

რაც შეეხება ინფორმაციას, რომლის თანახმად სააკაშვილს გორის სამხედრო ჰოსპიტალში მკურნალობისას ფსიქოტროპული პრეპარატები მაღალი დოზით დაუნიშნეს, ნიკოლოზ ყიფშიძის განმარტებით, იგეგმებოდა დოზების გაზრდა და ათჯერ მეტი დოზის გამოყენება, რაც უფრო მეტ სისუსტეს და მდგომარეობის გაუარესებას გამოიწვევდა.

,,დღეს ველაპარაკე მის პირად ექიმს ჰოლანდიაში და გავარკვიე, რომ იღებდა მხოლოდ ორ წამალს, ეს არ არის ისეთი ფსიქოტროპული წამლები, რომლებიც საზღვარგარეთ ფართოდ გამოიყენება. ეს ჰოლანდიელი ექიმის დანიშნულება არ იყო, ეს იყო საძილე საშუალება, ამის მიცემა შევწყვიტეთ პარასკევს და შაბათს, პირველი სასამართლოს წინ. იგეგმებოდა დოზების გაზრდა და თუ არ ვცდები, ათჯერ მეტი იყო, ეს გამოიწვევდა უფრო მეტ სისუსტეს და ცუდ მდგომარეობას. თუ ამ მედიკამენტს გაზრდილი დოზით მიიღებდა ვერ გამოვიდოდა სასამართლოზე. ეს მედიკამენტი დანიშნა გორის სამხედრო ჰოსპიტალის ფსიქიატრმა პარასკევს აქ ვიყავი დიდი ხნით, ვგეგმავდით როგორ წარდგებოდა სასამართლოს წინაშე, არ მეგონა, რომ შეძლებდა 1 საათზე მეტს გამოსვლას. ვფიქრობდით მხოლოდ 30 წუთს და იმასაც ვფიქრობდით, თუ შეძლებდა კორიდორის გავლას და მისვლას“, - აღნიშნა ნიკოლოზ ყიფშიძემ.

მან ასევე უპასუხა ჟურნალისტების შეკითხვას სააკაშვილის რუსთავის ციხეში დაბრუნებასთან დაკავშირებით. პირადი ექიმის განმარტებით, ეს შეუძლებელია და ხელს არავინ არ მოაწერს.

,,ეს შეუძლებელია, არცერთი ექიმი ამას ხელს არ მოაწერს, არც საქართველოში და არც მთელს მსოფლიოში“, - აღნიშნა ნიკოლოზ ყიფშიძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!