მამუკა ხაზარაძე პროკურორს - ნუ "მაწვები", ასე ვერ შემაშინებ, თვალებს ნუ მიქაჩავ

ნუ მაწვები, ასე ვერ შემაშინებ, თვალებს ნუ მიქაჩავ-მეთქი, - ამ სიტყვებით ე.წ. ფულის გათეთრების საქმეზე ერთ-ერთმა ბრალდებულმა, “ლელოს” ლიდერმა მამუკა ხაზარაძემ თბილისის საქალაქო სასამართლოში მიმდინარე პროცესზე, პროკურორ არჩილ ტყეშელაშვილის მისამართით განაცხადა.

მამუკა ხაზარაძემ ე.წ. ფულის გათეთრების საქმეზე სასამართლოს ჩვენება მისცა. ჩვენების მიცემის დასრულების შემდეგ პროკურორმა მამუკა ხაზარაძეას საქმიდან გამომდინარე კითხვა დაუსვა, რამაც მასსა ბრალდებულს შორის კამათი გამოიწვია.

„ეს მიმიკები ამ კაცს შეაცვლევინე. ეს რა მანერაა, პროკურორი რომ ასე გელაპარაკება, პროკურორი რომ ასე ძველბიჭურად მელაპარაკება, ამიხსენით”, - მიმართა მამუკა ხაზარაძემ მოსამართლეს.

პროკურორმა კი ბრალდებულის ამ სიტყვებს “ქუჩური გამოსვლა” უწოდა.

“ეს იყო ქუჩური გამოსვლა, რაც ახლა გააკეთა. ჩემს არცერთ შეკითხვაში არ ყოფილა არც ისეთი ინტონაციები და არც ისეთი ტონი. ჩემი ინტონაცია გამომდინარეობს მისი ყვირილიდან. ვცდილობ, რომ გადავფარო მისი ყვირილი. რაც ახლა იკადრა, ვფიქრობ, რომ სასამართლო წესი დაარღვია, რადგან ბრალდების მხარეს ასეთი ფორმით მოგვმართა და გთხოვთ, მიიღოთ შესაბამისი ზომა", - მიმართა მოსამართლეს პროკურორმა.

თავის მხრივ, მოსამართლე გიორგი არევაძემ მხარეებს კიდევ ერთხელ მოუწოდა, რომ ნუ შევლენ ერთმანეთთან პოლემიკაში, წინააღმდეგ შემთხვევაში კი იძულებული გახდება “ვინც დაიმსახურებს” ან დააჯარიმოს ან მიიღოს შესაბამისი ზომები.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა