„საქართველოს გაზის ტრანსპორტირების კომპანია“ 7 დეკემბერს ქვემოჭალის გაზგამანაწილებელ სადგურში სარემონტო-სარეაბილიტაციო სამუშაოებს განახორციელებს.
აღნიშნული ვითარებიდან გამომდინარე, ხვალ 11:00-დან 13:00 საათამდე ბუნებრივი გაზის მიწოდება შესაძლებელია შეეზღუდოს, კასპის მუნიციპალიტეტის შემდეგ სოფლებს: ქვემო ჭალას, ახალშენს, ბოჟამს, გორაკას, ვაკეს, თოგოიანს, იგოეთს, მრგვალიჭალას, პანტიანს, საკორინთლოსა და სამთავისს.
„საქართველოს გაზის ტრანსპორტირების კომპანია” სისტემატურად ახორციელებს გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს, რაც უზრუნველყოფს მომხმარებლების უსაფრთხო, საიმედო და უწყვეტ გაზმომარაგებას“, - ნათქვამია ინფორმაციაში.