ნინო წილოსანი - საკონსტიტუციო ცვლილებები საბოლოო შედეგამდე იმ შემთხვევაში მივა, თუკი ოპოზიციურ პარტიებს კონსტრუქციულ რეჟიმში თანამშრომლობის სურვილი ექნებათ

საკონსტიტუციო ცვლილებები საბოლოო შედეგამდე იმ შემთხვევაში მივა, თუკი ოპოზიციურ პარტიებს კონსტრუქციულ რეჟიმში თანამშრომლობის სურვილი ექნებათ, - ამის შესახებ “ინტერპრესნიუსს“ “ქართული ოცნების“ დეპუტატმა ნინო წილოსანმა განუცხადა.

წილოსანის თქმით, კონსტიტუციის გადასინჯვის პროექტი მმართველი გუნდის მხრიდან ოპოზიციის მიმართ კეთილგანწყობისკენ გადადგმული ნაბიჯი იყო - რადიკალიზაციისა და დაპირისპირების შემცირების მიზნით. უმრავლესობის დეპუტატმა აქვე აღნიშნა, რომ ამან შესაბამისი შედეგი ვერ გამოიღო და ოპოზიცია კვლავ განაგრძობს პოლარიზებას, არ ასრულებს ამომრჩევლის დაკვეთას, კვლავ ბოიკოტს უცხადებს პარლამენტს.

“როდესაც 2017 წელს ახალ საკონსტიტუციო სისტემაზე გადასვლაზე ვმსჯელობდით და ყველაზე დიდი საკონსტიტუციო ცვლილებები მივიღეთ, სრულად პროპორციულ საარჩევნო სისტემაზე გადასვლასთან ერთად, ჩაითვალა, რომ პლურალიზმთან ერთად უნდა უზრუნველყოფილიყო ქვეყნის პოლიტიკური სტაბილურობა. ბარიერთან დაკავშირებით ავიღეთ მოდელი, რაც არაერთ ევროპულ ქვეყანაშია - ეს არის 5%-იანი საარჩევნო ბარიერი. ამის შემდეგ 2020 წელს განვითარებული პროცესებიდან გამომდინარე, ჩვენმა პოლიტიკურმა პარტიამ რადიკალ ოპოზიციასთან გარკვეული კონსენსუსი და კეთილგანწყობის ნაბიჯის გადადგმა გადაწყვიტა - დაინიცირდა საკონსტიტუციო ცვლილებები, თუმცა ეს არც მაშინ ჩათვლილა ქვეყნის განვითარებისთვის აუცილებელ ნაბიჯად, ეს იყო ჩვენი კეთილგანწყობის ნაბიჯი ოპოზიციის მიმართ, შერიგებისა და კონსენსუსის მიღწევის შესაძლებლობა. ამ ჩვენმა პოლიტიკურმა ნაბიჯმა შესაბამისი შედეგი ვერ გამოიღო“, - განაცხადა ნინო წილოსანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს