მიხეილ სააკაშვილის გათავისუფლების მოთხოვნით შექმნილი პლატფორმა პირველ აქციას დღეს პრეზიდენტის რეზიდენციასთან გამართავს

ტელეწამყვან ნანუკა ჟორჟოლიანის ინფორმაციით, მიხეილ სააკაშვილის გათავისუფლების მოთხოვნით შექმნილი პლატფორმა პირველ აქციას დღეს, პრეზიდენტის რეზიდენციასთან გამართავს.

როგორც მან „ინტერპრესნიუსთან“ საუბრისას განმარტა, აღნიშნული პლატფორმა ყველა იმ ადამიანს გააერთიანებს, რომელიც ფიქრობს, რომ სააკაშვილი პოლიტიკური პატიმარია და მის მიმართ მიმდინარე მართლმსაჯულება შერჩევითია.

მისივე თქმით, აღნიშნულ პლატფორმას პოლიტიკურ პარტიებთან შეხება არ ექნება.

„ეს პლატფორმა აერთიანებს ყველას, ვინც ითხოვს „FreeMisha“-ს, მათ შორის არ იგულისხმებიან მხოლოდ მიხეილ სააკაშვილის მხარდამჭერები, არსებობენ ადამიანები, რომლებიც მისი პოლიტიკური ოპონენტები არიან, მაგრამ ფიქრობენ, რომ პოლიტიკური პატიმარია და მართლმსაჯულება შერჩევითია მის მიმართ. არ არსებობს სია, ან რაოდენობა ადამიანებისა, ყველა არის ამ პლატფორმის წევრი. პოლიტიკოსებთან არ გვისაუბრია ამ თემაზე, რადგან მათ საკუთარი პლატფორმები აქვთ. სხვადასხვა ტიპის აქციები და აქტივობები დაიგეგმება, პირველი სალომე ზურაბიშვილის სასახლესთან მივდივართ და ვეუბნებით, რომ ის არის ერთადერთი რეალური ბერკეტის მქონე ადამიანი, რომელსაც შეუძლია, რომ სიტუაცია განმუხტოს. როდესაც დღეს პოლიტიკური ოპონენტები საუბრობენ, რომ ქვეყანაში პოლიტიკური მშვიდობა უნდა დადგეს, ჩვენ ვეუბნებით, რომ ეს შეუძლებელია მანამ სანამ, სააკაშვილი არის ციხეში“, - აღნიშნა ნანუკა ჟორჟოლიანმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს