საქართველოს პრეზიდენტის რეზიდენციასთან მიხეილ სააკაშვილის გათავისუფლების მოთხოვნით შექმნილი პლატფორმის და ,,ნაციონალური მოძრაობის” წევრების საპროტესტო აქცია დასრულდა.

აქციის მონაწილეების ნაწილი პრეზიდენტ სალომე ზურაბიშვილთან შეხვედრას ითხოვდა, რისთვისაც 15:00 საათამდე მისცეს დრო, თუმცა აღნიშნული შეხვედრა არ შედგა.

ტელეწამყვან ნანუკა ჟორჟოლიანის განცხადებით, აქციის მონაწილეები დროებით იშლებიან და მიხეილ სააკაშვილის გათავისუფლების მოთხოვნით აქციები პერმანენტულ რეჟიმში გაგრძელდება.

„დროებით ვიშლებით, სამოქმედო გეგმას გეტყვით რას ვაპირებთ და როგორი შეკრებები გვექნება. ,,თავისუფლება მიშას” იქნება ყველგან და ეს ლოზუნგი არ გაჩერდება არასდროს. შემდეგი შეხვედრა იქნება ძალიან მალე”, - აღნიშნა ნანუკა ჟორჟოლიანმა.