ნევროლოგი - ყველაზე გავრცელებული პოსტკოვიდური სინდრომია ქრონიკული დაღლილობა

ყველაზე გავრცელებული პოსტკოვიდური სინდრომია ქრონიკული დაღლილობა, - ამის შესახებ ექიმმა-ნევროლოგმა ანა ლაბაძემ მედიაჰოლდინგ „კვირას“ პრესკლუბში ისაუბრა.

როგორც ანა ლაბაძე განმარტავს, კოვიდის გადატანის შემდეგ, ადამიანებში სხვადასხვა ნევროლოგიური პრობლემები იჩენს თავს, მაგალითად: თავის ტკივილი, თავბრუს ხვევა, წონასწორობა-კოორდინაციის დარღვევა, ყნოსვის და გემოვნების დარღვევა და ა.შ.

„პოსტკოვიდური სინდრომი წარმოადგენს სიმპტომების ერთობლიობას, რომელიც ვირუსის გადატანის შემდგომ ვითარდება ადამიანებში. მიუხედავად იმისა, რომ აღნიშნული სიმპტომები ჯერ კიდევ კვლევის პროცესშია, ცნობილია, რომ ძირითადად მათ განვითარებაში დიდ როლს თამაშობს იმუნური, მეტაბოლური და ასევე ნერვული დარღვევების შედეგად არსებული ცვლილებები. რაც შეეხება უშუალოდ ნევროლოგიურ სიმპტომებს, რაც პოსტკოვიდურ სინდრომს ახასიათებს, ეს არის ყველაზე უფრო ხშირად გამოხატული ქრონიკული დაღლილობის სინდრომი, როდესაც ადამიანებს მიუხედავად იმისა, რომ ვირუსი უკვე მათ ორგანიზმში აღარ არის, ხშირად ახასიათებთ კუნთების ძლიერი ტკივილ, ასევე ძლიერი სისუსტე კუნთების, უხასიათობა, უგუნებობა, დეპრესია, უხალისობა და რაც მათ ყოველდღიურ საქმიანობაში უშლის ხელს. ასევე ხშირ სიმპტომს წარმოადგენს თავის ტკივილი როგორც კოვიდის მიმდინარეობისას, ისე მის შემდგომ, ასევე თავბრუსხვევა, წონასწორობა-კოორდინაციის დარღვევა და ყნოსვის და გემოვნების დარღვევა. გარდა ამისა, პოსტკოვიდურ პერიოდში შეიძლება უფრო რთული დაავადებებიც აღმოაჩნდეთ პაციენტებს ნევროლოგიური კუთხით, როგორიც არის იშემიური ინსულტი. პაციენტებს, რომელთაც გადატანილი აქვთ კორონავირუსი, იშემიური ინსულტი სტატისტიკურად ბევრ პაციენტში არ ვლინდება, თუმცა შედარებით რთულ გართულებებში ერთ-ერთი ყველაზე ხშირად გამოვლინებადია. ესენი არიან პაციენტები, რომელთაც ისედაც ჰქონდათ გარკვეული გულ-სისხლძარღვთა დაავადებები, რომელიც წარმოადგენდა წინაპირობას ინსულტის განვითარების, თუმცა შეიძლება ვთქვათ, რომ სწორედ კოვიდი იყო ამ შემთხვევაში გამშვები მექანიზმი, რომელმაც დაავადების განვითარება გამოიწვია“, - განაცხადა ანა ლაბაძემ.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა