„შპს სერპანტინი“ არის ერთ-ერთი გამოკვეთილი მაგალითი თუ როგორ მუშაობს კორუფცია, რომელიც ხელისუფლების ყველაზე მაღალ რგოლთან არის შეზრდილი, - ამის შესახებ „ევროპული საქართველოს“ წევრმა გიორგი ნონიაშვილმა განაცხადა.

მისი ინფორმაციით, შპს „სერპანტინმა“ ტენდერების მეშვეობით 2 თვის განმავლობაში 9 000 000 ლარზე მეტი მიიღო.

,,უკანასკნელი 2 თვის განმავლობაში შპს „სერპანტინმა“ მიიღო 7 000 000-იანი ტენდერი ასევე 2 000 000-იანი პირდაპირი შესყიდვით მიღებული თანხა და ახლა დღე-დღეზე უნდა მიიღოს 14 000 000-იანი ტენდერი, რომელშიც გამარჯვებული გამოვლენილია ოღონდ კვლავ შპს „სერპანტინი“ მონაწილეობს, რომელიც არის ერთ-ერთი გამოკვეთილი მაგალითი თუ როგორ მუშაობს კორუფცია, რომელიც ხელისუფლების ყველაზე მაღალ რგოლთან არის დაახლოებული და შეზრდილი“, - აღნიშნა გიორგი ნონიაშვილმა.