კობა კობალაძე ლევან დავითაშვილს შეხვდა

ვეტერანების საქმეთა სახელმწიფო სამსახურის დირექტორი, გენერალ მაიორი კობა კობალაძე საქართველოს გარემოს დაცვისა და სოფლის მეურნეობის მინისტრს, ლევან დავითაშვილს შეხვდა და იმ გამოწვევებზე ესაუბრა, რომლებიც სოფლის მეურნეობის სფეროში დასაქმებული ომისა და თავდაცვის ძალების ვეტერანების წინაშე დგას და რომელთა გადალახვაც სამინისტროსა და სამსახურის ერთიანი ძალისხმევითაა შესაძლებელი. ამის შესახებ ინფორმაციას ვეტერანების საქმეთა სახელმწიფო სამსახური ავრცელებს.

უწყების ცნობით, კობა კობალაძემ მინისტრს გააცნო ის პროექტები, რომლებიც სამსახურის მხარდაჭერით საქართველოს რამდენიმე რეგიონში უკვე ხორციელდება.

„საუბარი შეეხო გურიასა და აჭარაში შექმნილ ''ვეტერან ფერმერთა ასოციაციებს'', რომელთა წევრმა ვეტერანებმა როგორც აგრარულ, ასევე, მესაქონლეობის სფეროში მნიშვნელოვანი ნაბიჯები გადადგეს; აღინიშნა ქვემო ქართლის რეგიონში მესაქონლეობის დარგში განხორციელებული, წარმატებული პროექტიც, რომლის ფარგლებშიც, ვეტერანი ფერმერი არა მხოლოდ ქმნის პროდუქციას და ასაქმებს ვეტერანებს, არამედ თავის თანამებრძოლებს გადასცემს ცოდნასა და გამოცდილებას, რაც მნიშვნელოვანი ფაქტორია ბიზნესის დასაწყებად და გასავითარებლად. მხარეებმა აღნიშნეს, რომ განსაკუთრებით მნიშვნელოვანია მსგავსი პროექტების მხარდაჭერა და მეწარმე ვეტერანთა თანადგომა.

შეხვედრაზე ხაზი გაესვა ვეტერანებისთვის სასოფლო-სამეურნეო საქმიანობაში ხელშესაწყობად საჭირო ღონისძიებებს, ერთობლივი პროექტების შემუშავებას, რომლებიც ვეტერანისთვის, სოფლის მეურნეობის სფეროში მცირე და საშუალო ბიზნესის დასაწყებად მნიშვნელოვანი ფაქტორია არა მხოლოდ კონკურენტუნარიანი პროდუქციის საწარმოებლად, არამედ ახალი სამუშაო ადგილების შესაქმნელადაც.

ლევან დავითაშვილმა საქართველოს ტერიტორიული მთლიანობისათვის ბრძოლაში გაწეული ღვაწლისთვის ვეტერანების მიმართ პატივისცემა გამოხატა და მნიშვნელოვანი გამოწვევების დაძლევაში მათ მხარდაჭერა აღუთქვა”, - აღნიშნულია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს