ტურიზმის ეროვნული ადმინისტრაცია უკრაინიდან ჟურნალისტებსა და ბლოგერებს მასპინძლობს

საქართველოს ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ მაღალრეიტინგული უკრაინული მედიასაშუალებების წარმომადგენლებისათვის პრეს-ტური გამართა.

ტურიზმის ეროვნული ადმინისტრაციის ინფორმაციით, ტელეკომპანია „უკრაინის“, სხვადასხვა ონლაინ გამოცემებისა და სოციალური ქსელების 8 ჟურნალისტსა და ბლოგერს ტურიზმის ეროვნული ადმინისტრაციის ხელმძღვანელის მოადგილე თამარ ყორიაული შეხვდა.

მედიის წარმომადგენლებმა დაათვალიერეს თბილისი და მცხეთა. 8-დღიანი ტურის განმავლობაში უკრაინელი ჟურნალისტები ანანურს, გუდაურს, სტეფანწმინდას დაათვალიერებენ. დაათვალიერებენ ქუთაისსა და წყალტუბოს, ეწვევიან ვანის მუზეუმს, მესტიასა და უშგულს.

მედიის წარმომადგენლები ვიდეო სიუჟეტებს, სტატიებს, ფოტო რეპორტაჟებსა და ბლოგებს საქართველოს სამთო და გამაჯანსაღებელი კურორტების, კულტურის, კულინარიისა და ღვინის შესახებ მოამზადებენ, რომელსაც უკრაინაში მილიონობით მაყურებელი და მკითხველი გაეცნობა.

„ტურიზმის ეროვნული ადმინისტრაცია მასპინძლობს უკრაინის წამყვანი ონლაინ, ბეჭდური და ტელემედიის წარმომადგენლებს. ჟურნალისტებსა და ბლოგერებს საშუალება აქვთ გაეცნონ საქართველოს სხვადასხვა რეგიონს, ტურისტულ ადგილებს. ძალიან მნიშვნელოვანია, რომ აქტიური მზადება მიმდინარეობს ზამთრის ტურისტული სეზონისთვის და უკრაინული მედიის წარმომადგენლებს საშუალება აქვთ ეწვიონ ზამთრის კურორტებს და გაეცნონ საქართველოს ტურისტულ პოტენციალი“, - განაცხადა ტურიზმის ეროვნული ადმინისტრაციის ხელმძღვანელის მოადგილემ თამარ ყორიაულმა.

„მიუხედავად იმისა, რომ სულ რაღაც დღე-ნახევარია საქართველოში ვიმყოფები ძალიან მაგარი შთაბეჭდილება მივიღე. ჩვენ დავათვალიერეთ თბილისი, ვგეგმავთ სხვადასხვა კურორტების მონახულებას, ვიმოგზაურებთ მთებში, დავაგემოვნებთ ქართულ კერძებს, რომელიც თქვენი ქვეყნის სავიზიტო ბარათია, თქვენ ასევე გაქვთ შესანიშნავი სამთო კურორტები და მე ამ ყველაფრის შესახებ ჩემს მკითხველს მოვუყვები. საქართველო უსაფრთხო ქვეყანაა უკრაინელი ტურისტებისთვის და სოციალურ ქსელში ყველა ჩემს გამომწერს მოვუწოდებ საქართველოში იმოგზაურონ“,- აცხადებს უკრაინელი ბლოგერი იულია ბერკუტა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს