ფინანსთა სამინისტროს სახაზინო ვალდებულებების აუქციონზე დღეს 30 000 000 ლარის ნომინალური ღირებულების 364-დღიანი ვადიანობის ფასიანი ქაღალდები გაიყიდა.

როგორც საქართველოს ეროვნული ბანკის ინფორმაციაშია ნათქვამი, აუქციონში მონაწილეობა მიიღო ოთხმა კომერციულმა ბანკმა. მოთხოვნამ შეადგინა 61 000 000 ლარი. მინიმალური საპროცენტო განაკვეთი 9.950 პროცენტით, მაქსიმალური 10.00 პროცენტით, ხოლო საშუალო შეწონილი 9.963 პროცენტით განისაზღვრა.