წიაღის ეროვნულმა სააგენტომ, სასარგებლო წიაღისეულის 197 ლიცენზიანტის შემოწმების შედეგად სამი ლიცენზია გააუქმა

ეკონომიკისა და მდგრადი განვითარების სამინისტროს სსიპ - წიაღის ეროვნული სააგენტოს სალიცენზიო პირობების კონტროლის სამსახურის თანამშრომლებმა, მიმდინარე წელს, სასარგებლო წიაღისეულის მოპოვების სალიცენზიო პირობების შესრულების 143 გეგმური და 54 არაგეგმური შემოწმება განახორციელეს.

როგორც სააგენტოს მიერ გავრცელებულ ინფორმაციაშია აღნიშნული, სალიცენზიო პირობების დარღვევის გამო, წიაღის ეროვნულმა სააგენტომ სამი ლიცენზია გააუქმა.

მათივე ინფორმაციით, გაუქმების საფუძველი რეგულირების საფასურის გადაუხდელობა, სტატისტიკური დაკვირვების ფორმებისა და ათვისების გეგმის წარმოუდგენლობა იყო.

„სალიცენზიო პირობების კონტროლის სამსახურის მიერ, 471 ადმინისტრაციული სამართალდარღვევის ოქმია შედგენილი, რომელთაგან ხუთზე ადმინისტრაციული წარმოება მიმდინარეობს.

სასარგებლო წიაღისეულის მოპოვების 61 ლიცენზიაზე, გარემოს დაცვისა და სოფლის მეურნეობის სამინისტროს სსდ გარემოსდაცვითი ზედამხედველობის დეპარტამენტის კომპეტენციას დაქვემდებარებული დარღვევები გამოვლინდა. შესაბამისად, მასალები შემდგომი რეაგირების მიზნით, გარემოსდაცვითი ზედამხედველობის დეპარტამენტს გადაეგზავნა.

აღსანიშნავია, რომ წიაღის ეროვნული სააგენტო უფლებამოსილია, შეამოწმოს მხოლოდ სასარგებლო წიაღისეულის მოპოვების ლიცენზიის მფლობელი სუბიექტების საქმიანობა“, - აღნიშნულია გავრცელებულ ინფორმაციაში.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 19.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის