თენგიზ ცერცვაძე - ლევან რატიანი წარმატებული ექიმია და ქვეყანას დღეს იქ უფრო სჭირდება - მე რომ ვაკეთებდე არჩევანს, არჩილ თალაკვაძის სასარგებლოდ გავაკეთებდი

ინფექციური საავადმყოფოს დირექტორის თენგიზ ცერცვაძის განცხადებით, ის რომ აკეთებდეს არჩევანს ჯანდაცვის მინისტრობის კანდიდატებზე, მხარს დაუჭერდა საპარლამენტო უმრავლესობის წევრს არჩილ თალაკვაძეს.

როგორც თენგიზ ცერცვაძე აღნიშნავს, არჩილ თალაკვაძე ძალიან გამოცდილი კადრია, კარგად ფლობს მედიცინაში თანამედროვე მიმართულებებს და ახასიათებს ინოვაციური მიდგომებისადმი ნიჭი.

„მე ზუსტად არ ვიცი ჯანდაცვის მინისტრობის კანდიდატად ვინ განიხილება. მე არ ვმონაწილეობ ამ კონსულტაციებში. თქვენ ბრძანეთ ლევან რატიანი და არჩილ თალაკვაძე. ორივე შესანიშნავი კანდიდატურაა. ლევან რატიანი ჩემი მეგობარია, მაგრამ როდესაც ვთქვი, რომ მინისტრობისთვის მზად არ არის, ვიგულისხმე ის, რომ წარმატებული ექიმია და ქვეყანას დღეს უფრო სჭირდება იქ, სადაც არის. კორონავირუსთან მუშაობის ძალიან სერიოზული სეგმენტი უჭირავს, ძალიან ახალგაზრდაა, მინისტრობაც და ყველაფერიც წინ აქვს. ის ძალიან კარგი კანდიდატურაა, ჩემი მეგობარია.

ამ ეტაპზე, მე რომ ვაკეთებდე არჩევანს, არჩილ თალაკვაძის სასარგებლოდ გავაკეთებდი. არჩილს ბევრი ღირსება აქვს. ძალიან გამოცდილია, ფაქტობრივად, ნამუშევარია როგორც სამინისტროებში, ისე პარლამენტში ხელმძღვანელ სამუშაოებზე. ის კარგად ფლობს მედიცინაში თანამედროვე მიმართულებებს. მისთვის დამახასიათებელია ინოვაციური მიდგომებისადმი ნიჭი, თავის დროზე C ჰეპატიტის ელიმინაციის წარმატებულ პროგრამას სტიმული მისცა მისმა ინოვაციამ, როდესაც საპატიმროებში დაამუშავა პროგრამა და დანერგა C ჰეპატიტის მკურნალობის უფასო პროგრამა. ეს კი შემდგომში გადაიზარდა გრანდიოზულ პროგრამაში, რომელმაც 75 ათასი კაცი განკურნა. არჩილს ძალიან ბევრი თვისება აქვს, რომელიც ვფიქრობ, დღევანდელ რთულ პერიოდში ძალიან გამოადგება. თუ ძალოვან სტრუქტურებს არ ჩავთვლით, ძალიან მნიშვნელოვანი სამინისტროა, განსაკუთრებით პანდემიის დროს.

თქვენი კითხვის საპასუხოდ აღვნიშნავ, რომ მას გულწრფელად ვუჭერ მხარს, მაგრამ ეს არ ნიშნავს, რომ ვფიქრობ, ის იქნება მინისტრი. მე არ მაქვს ამის შესახებ ინფორმაცია“, - აღნიშნავს ცერცვაძე.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა