ოპოზიციური პარტიების შეხვედრაზე უნდა შევჯერდეთ იმაზე, თუ როგორ უნდა გაგრძელდეს ბრძოლა ვადამდელი არჩევნების მოსაპოვებლად, - ამის შესახებ „ევროპული საქართველოს“ წევრმა, ლაშა დამენიამ განაცხადა.
მისივე თქმით, „ევროპული საქართველო“ შეეცდება, რომ საკუთარ არგუმენტებში დაარწმუნოს სხვა ოპოზიციური პარტიები, რათა გამოჩნდეს, თუ რამდენად ახლოსაა მათი პოზიციები ერთმანეთთან.
„ევროპული საქართველო“ აუცილებლად იქნება ამ ოპოზიციურ შეხვედრაზე. ჩვენი მოსაზრებები გავრცელებულია საჯაროდ და ცნობილია მოსახლეობისთვის. ჩვენ შევეცდებით ჩვენს არგუმენტებში დავარწმუნოთ სხვა ოპოზიციური პარტიები და თუ რამდენად ახლოსაა ჩვენი პოზიციები ერთმანეთთან, რათა შევჯერდეთ მომავალ საპარლამენტო, ვადამდელი არჩევნების მოსაპოვებლად ბრძოლა როგორ უნდა გაგრძელდეს.“ - განაცხადა დამენიამ.