„ადამიანის უფლებათა ცენტრი“ - წინასარჩევნო პერიოდში გამოვლენილმა დარღვევებმა, რაც, მეტწილად, ხელისუფლებას მიემართება, შეუძლებელი გახადა თვითმმართველობის არჩევნების მაღალი დემოკრატიული სტანდარტით ჩატარება

„ადამიანის უფლებათა ცენტრის“ ანგარიშის თანახმად, წინასარჩევნო პერიოდში გამოვლენილმა მთელმა რიგმა დარღვევებმა, რაც, მეტწილად, ხელისუფლებას მიემართება, შეუძლებელი გახადა 2021 წლის ადგილობრივი თვითმმართველობის არჩევნების მაღალი დემოკრატიული სტანდარტით ჩატარება.

ორგანიზაციის ინფორმაციით, კვლევის - „2021 წლის ადგილობრივი თვითმმართველობის არჩევნების მონიტორინგი“, შედეგები 17 დეკემბერს გამოქვეყნდებდა და ანგარიშის პრეზენტაციაზე წარმოდგენილი იქნება როგორც წინასაარჩევნო პერიოდის, ისე არჩევნების პირველი და მეორე ტურის მონიტორინგის შედეგები.

„ანგარიშის თანახმად, 2021 წლის ივნისში საქართველოს საარჩევნო კოდექსში შეტანილი ცვლილებები შეიძლება წინგადადგმულ ნაბიჯად შეფასდეს ქვეყნის დემოკრატიული განვითარების გზაზე. მიუხედავად იმისა, რომ ქვეყანაში მოქმედი საარჩევნო კანონმდებლობა არჩევნების მაღალი ხარისხის დემოკრატიულობით ჩატარების შესაძლებლობას იძლეოდა, ამ ბაზისის სრულად გამოყენება მაინც ვერ მოხერხდა. მოქმედი რეგულაციებით, უკეთესი არჩევნების ჩატარება, მხოლოდ კანონმდებლობისა და მისი სულისკვეთების განუხრელი დაცვით და სათანადო პოლიტიკური ნების არსებობით იქნებოდა შესაძლებელი.

სამწუხაროდ, წინასარჩევნო პერიოდში გამოვლენილმა მთელმა რიგმა დარღვევებმა, რაც, მეტწილად, ხელისუფლებას მიემართება და მოიცავს ადამინისტრაციული რესურსის უკანონოდ ხარჯვის მანკიერ პრაქტიკას, სახელმწიფოსა და პარტიას შორის საზღვრების მოშლას, პოლარიზაციისა და სიძულვილის ენის გაღრმავების ხელშეწყობასა და ა.შ., შეუძლებელი გახადა 2021 წლის ადგილობრივი თვითმმართველობის არჩევნების მაღალი დემოკრატიული სტანდარტით ჩატარება. ეს კი ნეგატიურად აისახება ქვეყნის დემოკრატიულ განვითარებაზე.

2021 წლის ადგილობრივი თვითმმართველობის არჩევნების დღემ, ძირითადად, მშვიდ გარემოში ჩაიარა. მონიტორინგის შედეგად გამოვლენილ დარღვევათა უმრავლესობა კვლავ ტექნიკური ხასიათის იყო, რასაც მნიშვნელოვნად განაპირობებს საარჩევნო ადმინისტრაციის დაბალი პროფესიონალიზმი, საარჩევნო კანონმდებლობის არცოდნა და სახელწიფო ენაზე საუბრის ბარიერი ეთნიკურ უმცირესობებში. ამის მიუხედავად, ადამიანის უფლებათა ცენტრის მონიტორინგის მიმდინარეობისას მნიშვნელოვან პრობლემად გამოიკვეთა ადმინისტრაციული რესურსების უკანონო და მასშტაბური გამოყენების პრაქტიკა, ხელისუფლებასა და პარტიას შორის აუცილებელი საზღვრების არსებობის პრინციპის უგულვებელყოფა, საარჩევნო აგიტაციის წესების დარღვევა და სხვა.

ამასთან, 2021 წლის არჩევნები კვლავ მკვეთრად პოლარიზებულ, მიკერძოებულ და სიძულვილის ენით გაჯერებულ მედიაგარემოში წარიმართა. პოლიტიკური პოლარიზაციის გამო, წინასაარჩევნო პერიოდში ადგილობრივი თვითმმართველობებისთვის საინტერესო საკითხები ძირითადად უგულვებელყოფილი იყო. კვლავ განსაკუთრებით დაძაბული იყო წინასაარჩევნო გარემო ეთნიკური უმცირესობებით მჭიდროდ დასახლებულ რეგიონებში, სადაც კენჭისყრის დღესაც, ტრადიციულად, ყველაზე მეტი დარღვევა დაფიქსირდა. მნიშვნელოვან გამოწვევად რჩება ქალებისა და ეთნიკური უმცირესობების წარმომადგენელთა როგორც პასიური, ისე აქტიური საარჩევნო უფლების რეალიზებაც“,- ნათქვამია ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!