თბილისის სააპელაციო სასამართლოში მედიაციის ცენტრი გაიხსნა

სსიპ “საქართველოს მედიატორთა ასოციაციის” თავმჯდომარის, ირაკლი ყანდაშვილის ინფორმაციით, 14 დეკემბერს, თბილისის სააპელაციო სასამართლოში მედიაციის ცენტრი გაიხსნა.

“საქართველოს მედიატორთა ასოციაციის” ინფორმაციით, თბილისის სააპელაციო სასამართლოში მედიაციის ცენტრის გახსნა საზოგადოების მხრიდან მაღალმა ინტერესმა და სამედიაციო პროცესის მიმართ მოთხოვნის ზრდამ განაპირობა.

„საზოგადოების მხრიდან მაღალმა ინტერესმა და სამედიაციო პროცესის მიმართ მოთხოვნის ზრდამ განაპირობა და დღის წესრიგში დააყენა სააპელაციო სასამართლოში სამედიაციო ცენტრის გახსნის საკითხი. აქედან გამომდინარე, 14 დეკემბერს, სსიპ “საქართველოს მედიატორთა ასოციაციის თავმჯდომარემ” ირაკლი ყანდაშვილმა და თბილისი სააპელაციო სასამართლოს ადმინისტრაციული საქმეთა პალატის თავმჯდომარემ დიმიტრი გვრიტიშვილმა საზეიმო ვითარებაში სიმბოლური ლენტის გაჭრით მედიაციის ცენტრი გახსნეს.

მედიაციის ცენტრის გახსნა საზოგადოებისათვის მხარდამჭერი და ნეიტრალური გარემოს შექმნის მიზანს ემსახურება. მედიაციის ცენტრში მხარეებს შესაძლებლობა მიეცემათ მაღალი კვალიფიკაციის მქონე მედიატორების დახმარებით სწრაფად და მშვიდობიანად მოაგვარონ თავიანთი უთანხმოება. სტასტიკურმა მაჩვენებლებმა ცხადყო, რომ მედიაციით გადაწყვეტილი დავები მხარეთა კმაყოფილების გარანტიაა, კმაყოფილი მხარეები კი თავის მხრივ ქვეყანაში სამართლიანობის სტანდარტს და ხარისხს გაზრდის.

წლის ბოლომდე ბოლნისის რაიონულ სასამართლოს, ქუთაისის საქალქო სასამართლოს და ქუთაისის სააპელაციო სასამართლოს მედიაციის ცენტრების გახსნა იგეგმება, რათა საზოგადოებას მიეცეს შესაძლებლობა დავის არსებობის შემთხვევაში გამოიყენონ მედიაცია, როგორც დავის გადაწყვეტის ალტერნატიული საშუალება.“საქართველოს მედიატორთა ასოციაცია” მზად არის განახორციელოს სასამართლო უწყებებთან ერთად სხვადასხა აქტივობები მედიაციის განვითარების მიმართულებით“, - ნათქვამია გავრცელებულ ინფორმაციაში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს