ანალიტიკურმა ორგანიზაციამ „ჯეოქეისი” IRI-ის პროგრამის - ტრანსატლანტიკური უსაფრთხოების ინიციატივის (TSI) მონაწილეებს უმასპინძლა

2021 წლის 15 დეკემბერს ანალიტიკურმა ორგანიზაცია „ჯეოქეისმა“ საერთაშორისო რესპუბლიკური ინსტიტუტის პროგრამის - ტრანსატლანტიკური უსაფრთხოების ინიციატივის მონაწილეებს უმასპინძლა.

ამის შესახებ ინფორმაციას „ჯეოქეისი“ ავრცელებს.

მათივე ცნობით, სტუმრებს „ჯეოქეისის“ თავმჯდომარე, ვიქტორ ყიფიანი და არარეზიდენტი მკვლევარი, ნიკოლოზ ხატიაშვილი შეხვდნენ.

„ ტრანსატლანტიკური უსაფრთხოების ინიციატივა (TSI) წარმოადგენს ყოველწლიურ პროგრამას, რომლის საშუალებით ევროპისა და აშშ-ის უმაღლესი რანგის პოლიტიკოსები, სახელმწიფო და სამხედრო ოფიციალური პირები, ბიზნეს ლიდერები და მაღალჩინოსნები ერთმანეთს უზიარებენ მოსაზრებებს და ეძებენ ინოვაციურ მიდგომებს ნატო-სა და ტრანსატლანტიკური საზოგადოების წინაშე არსებულ ძირითად გამოწვევებთან დაკავშირებით.

„ჯეოქიეისში“ გამართულ შეხვედრას ესწრებოდნენ TSI-ის პროგრამის მონაწილეები პოლონეთიდან, ჩეხეთიდან, სლოვაკეთიდან, უნგრეთიდან და რუმინეთიდან. მათ დაგეგმილი აქვთ ცხინვალის საოკუპაციო ხაზთან ჩასვლა, ალიანსის წინაშე მდგარი კრიტიკულ საფრთხეების იდენტიფიცირება და ადგილზე შესწავლა.

ვიქტორ ყიფიანმა სტუმრებს ანალიტიკური ორგანიზაცია „ჯეოქეისის“ მისია და ამოცანები გააცნო. შეხვედრაზე ქვეყანაში არსებული გამოწვევები და სხვა აქტუალური საკითხები განიხილეს. დასასრულს ვიქტორ ყიფიანმა და ნიკოლოზ ხატიაშვილმა TSI-ის მონაწილეების შეკითხვებს უპასუხეს.

ვიზიტის ფარგლებში ჩატარებული კვლევებისა და სემინარების გამოცდილებაზე დაყრდნობით, TSI-ის მონაწილეები გამოაქვეყნებენ ანგარიშს, რომელიც თითოეული მონაწილის ქვეყნის პარლამენტში გავრცელდება“,- აღნიშნულია გავრცელებულ ინფორმაციაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს