პრემიერ-მინისტრ ირაკლი ღარიბაშვილის ვიზიტი ბრიუსელში, საქართველოს ევროპული და ევროატლანტიკური ინტეგრაციისთვის საჭირო და მნიშვნელოვანია, - ამის შესახებ საქართველოს პარლამენტის ვიცე-სპიკერმა არჩილ თალაკვაძემ განაცხადა.

მისი თქმით, მაღალი დონის შეხვედრები, რომელსაც პრემიერი მართავს, ქვეყნის მომავალზე პოზიტიურად აისახება.

"მაღალი დონის შეხვედრები, რომელსაც პრემიერ-მინისტრი მართავს, მუდმივი კომუნიკაცია პარტნიორებთან საქართველოს ეკონომიკური განვითარების, დემოკრატიული რეფორმების და უსაფრთხოების განმტკიცების შესახებ - ის არის, რაც ჩვენი ქვეყნის მომავალზე პოზიტიურად აისახება და ჩვენს მეგობრებს უფრო ძლიერი მხარდაჭერისკენ განაწყობს. ევროკავშირის ერთიან ბაზართან ინტეგრაცია, მაკროეკონომიკური ინსტრუმენტების მიღება, ენერგეტიკული და ციფრული დაკავშირებადობის გაძლიერება - საკითხები, რომელსაც ირაკლი ღარიბაშვილი ევროპელ ლიდერებთან განიხილავს, ჩვენი ქვეყნისთვის სტრატეგიულია, რადგან 2024 წელს ევროკავშირის წევრობაზე განაცხადის გასაკეთებლად ვემზადებით“, - განაცხადა არჩილ თალაკვაძემ.