ალუდა ღუდუშაური - "ნაცმოძრაობაში" თუ ვინმე რამე მუსიკას უკვეთავს, ეს არის სააკაშვილი, რომლის ნარატივია ქვეყანაში არეულობის მოწყობა - მგლის თავზე სახარება როგორ უნდა წაიკითხო?

თურმე დეკემბერში აქცია უნდა დავაანონსოთ, ქვეყანა ამოვატრიალოთ და ხელოვნური დაძაბულობის კერები შევქმნათო - მგლის თავზე სახარება როგორ უნდა წაიკითხო, წარმოუდგენელია ,- ამის შესახებ „ქართული ოცნების“ დეპუტატმა, ალუდა ღუდუშაურმა „პალიტრანიუსის“ გადაცემაში "360 გრადუსი“ განაცხადა.

ალუდა ღუღუშაურმა ე.წ. შერიგების თაობაზე ისაუბრა და აღნიშნა, რომ ქვეყნის განვითარებისთვის მნიშვნელოვანია სტაბილურობა

თუმცა ამის საპასუხოდ, "ნაციონალური მოძრაობის" მხრიდან ისმის შეურაცხმყოფელი რიტორიკა, მუქარა და დესტრუქცია.

„ზოგადად, გრძელვადიანი პერსპექტივისთვის, ხვალინდელი დღისთვის და განვითარებისთვის, ქვეყანაში სტაბილურობა სასიცოცხლოდ აუცილებელი და მნიშვნელოვანია. ამის საპასუხოდ მთელი ამ წლების განმავლობაში, „ნაციონალური მოძრაობის“ მხრიდან გვესმოდა შეურაცხყოფა და არა მარტო გვესმოდა ეს მუქარები, დესტრუქცია, ძალადობრივი ენა, მოქმედებაში ვხედავდით. ამის ნათელი მაგალითი არის სააკაშვილის ერთი დღის წინ გაკეთებული განცხადება, რომ თურმე არავისთან საბოდიშო არ აქვს. როგორ წარმოგიდგენიათ, „ნაციონალურ მოძრაობის“ რეალური მმართველი - კარგად ვიცით, რომ მელიას არავინ არაფერს ეკითხება, იქ თუ ვინმე რამე მუსიკას უკვეთავს და სხვები ამ ყველაფრის შემსრულებლები არიან, ეს არის მიხეილ სააკაშვილი - მისი ნარატივი და დღის წესრიგი არის მოვაწყოთ ქვეყანაში არეულობა, ამათ ძალა უნდა ვაჩვენოთო. თურმე დეკემბერში აქცია უნდა დავაანონსოთ, ქვეყანა ამოვატრიალოთ და ხელოვნური დაძაბულობის კერები შევქმნათო, ოღონდ ხელოვნურს აღარ ამბობს. ვის უნდა შეუტიოს? - მმართველ პოლიტიკურ ძალას, რომელიც ქვეყანას მართავს. ეს იმას ნიშნავს, რომ ცვლილება მას ამ გზით წარმოუდგენია. მგლის თავზე სახარება როგორ უნდა წაიკითხო, წარმოუდგენელია“, - განაცხადა ალუდა ღუდუშაურმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს