გია ხუხაშვილი - თუ ხაზარაძე-ჯაფარიძე-წერეთლის საქმეზე გამოვიდა გამამტყუნებელი განაჩენი, ეს იქნება პოლიტიკური დევნა - გაიზრდება უფსკრული ოპოზიციასა და ხელისუფლებას შორის

პოლიტოლოგი გია ხუხაშვილის განცხადებით, „ფულის გათეთრების“ საქმე არის სრული აბსურდი და თუ ბრალდებულებისადმი გამამტყუნებელი განაჩენი დადგება, ოპოზიციასა და ხელისუფლებას შორის, ისევე როგორც ზოგადად პოლიტიკურ ელიტასა და საზოგადოებას შორის „უფსკრული გაიზრდება“.

როგორც ხუხაშვილმა „ინტერპრესნიუსთან“ საუბრისას განაცხადა, გამამტყუნებელი განაჩენის დადგენის შემთხვევაში, გამოვა, რომ ხელისუფლება წარმატებით აგრძელებს „იმ მანკიერი მართლმსაჯულების ოპერირებას, რასთან წინააღმდეგობის ტალღაზეც თავის დროზე ხელისუფლებაში მოვიდნენ“.

„გამომდინარე იქიდან, რომ ქართული მართლმსაჯულებისადმი ნდობა ნულოვანია, რამდენადაც მე ვიცნობ „ფულის გათეთრების“ საქმეს, ეს ბრალდება არის სრული აბსურდი. იქ შეიძლებოდა სხვა თემებზე აპელირება, მაგრამ ხელისუფლებამ როდესაც დევნა დაიწყო, პრობლემა იყო ის, რომ ნებისმიერ სხვა კვალიფიკაციაზე ხანდაზმულობის ვადა იყო დარღვეული, შესაბამისად, ამიტომ დასჭირდათ ამ მუხლით საქმის აღძვრა. თუ აღნიშნული ბრალდებითა და მუხლით გამოვიდა გამამტყუნებელი განაჩენი, ეს ჩემთვის იქნება ცალსახა პოლიტიკური დევნა და მეტი არაფერი. გამოვა, რომ ჩვენი ხელისუფლება წარმატებით აგრძელებს იმ მანკიერი მართლმსაჯულების ოპერირებას, რასთან წინააღმდეგობის ტალღაზეც მოვიდნენ თავის დროზე ხელისუფლებაში. ანუ ეს ნიშნავს, რომ არანაირი დემოკრატიული პროცესი ქვეყანაში არ არის, მართლმსაჯულება არის ანგაჟირებული, რომ პოლიცია არის პოლიტიზირებული და ასე შემდეგ.

თავისთავად გაიზრდება უფსკრული ოპოზიციასა და ხელისუფლებას შორის, ასევე საერთოდ პოლიტიკურ ელიტასა და საზოგადოებას შორის. კიდევ უფრო დაგვაშორებს იმ ინტეგრაციას, რისკენაც თითქოს ვისწრაფვით. გუშინ აღმოსავლეთ პარტნიორობის სამიტი შედგა, სადაც ხაზგასმით ითქვა, რომ მთავარია კანონის უზენაესობა. ამის გარეშე ქვეყანაში არანაირი ევროინტეგრაცია არ იქნება და თუ შენ იღებ პოლიტიზირებულ გადაწყვეტილებებს, ბუნებრივია უარს ამბობ აღნიშნულ მთავარ ფასეულობაზე", - განაცხადა ხუხაშვილმა.

ე.წ. ფულის გათეთრების საქმეზე, რომელზეც ბრალდებულები მამუკა ხაზარაძე, ბადრი ჯაფარიძე და ავთანდილ წერეთელი არიან, თბილისის საქალაქო სასამართლოში ბოლო სასამართლო პროცესი მიმდინარეობს.

ცნობისთვის, მამუკა ხაზარაძეს და ბადრი ჯაფარიძეს ბრალი წარედგინათ 2019 წლის 24 ივლისს ჯგუფურად 16 664 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით).

რაც შეხება ავთანდილ წერეთელს, პროკურატურა ბიზნესმენს ბადრი ჯაფარიძისთვის და მამუკა ხაზარაძისთვის უკანონო შემოსავლების ლეგალიზებაში დახმარებას ედავება.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი