მიხეილ სააკაშვილი - გავიგე, ბიძაჩემი თემურ ალასანია დაკითხვაზე დაიბარეს - ჩემი რჩევა ივანიშვილს: ბარემ დააპატიმრე ყველა ალასანია, ყველა სააკაშვილი, მიაყოლე ავთო წერეთელიც და მისი ადვოკატი კახა წერეთელიც, ჩემი ნათესავები არიან
საქართველოს მესამე პრეზიდენტის მიხეილ სააკაშვილის ინფორმაციით, მისი ბიძა, თემურ ალასანია დაკითხვაზე დაიბარეს.
„გავიგე, ბიძაჩემი თემურ ალასანია, რომელიც საახალწლოდ ჩამოვიდა საქართველოში, დაკითხვაზე დაიბარეს.
ჩემი რჩევა ივანიშვილს - თუ ბაძავ ვარლამ არავიძეს, ბარემ ბოლომდე მიბაძე და დააპატიმრე სასწრაფოდ ყველა ალასანია, ყველა სააკაშვილი, მიაყოლე ავთო წერეთელიც და მისი ადვოკატიც კახა წერეთელიც, ჩემი ნათესავებია. ყველა საქართველოში მყოფი ჰოლანდიელი, ნუ ერთი ამერიკელიც (ბიძაჩემი ხომ ამერიკის მოქალაქეა), რათა ახალი წლის სუფრაზე განსაკუთრებულად დაცულად და ბედნიერად იგრძნო თავი შენს ხიხოსტანში“, - ნათქვამია მიხეილ სააკაშვილის წერილში, რომელიც მის პირად „ფეისბუქ“ გვერდზე გავრცელდა.
