არმაზ ახვლედიანი თურნავას - დავუშვათ, ხაზარაძემ თავი ვერ გაართვა, ამ ხნის განმავლობაში, რატომ არის გაყინული ანაკლიის პროექტი?

ქალბატონო ნათია, ძალიანაც რომ მინდოდეს, მე თქვენ მადლობას ვერაფრით ვერ გადაგიხდით. ეს სახელმწიფოა თუ ბაბუამ დატოვა შთამომავლობით, შეგიძლიათ ამიხსნათ?, - ასე მიმართა პარლამენტის ოპოზიციონერმა დეპუტატმა არმაზ ახვლედიანმა ეკონომიკისა და მდგრადი განვითარების მინისტრს ნათია თურნავას პლენარულ სხდომაზე და ჰკითხა ვინ არის პასუხისმგებელი იმაზე, რომ ბახმაროსა და გომის მთაზე სახელმწიფო მიწები მიტაცებულია.

ამასთანავე, ახვლედიანი ანაკლისიის პროექტითაც დაინტერესდა და აღნიშნა, რომ თუ ხელისუფლებას ესმის ამ პროექტის ეკონომიკური და გეოპოლიტიკური მდგენელი, რატომ არის ის ამ დრომდე შეჩერებული.

„იცით რატომ ვერ გადაგიხდით ამ მადლობას?! იმიტომ, რომ თქვენ მე ვერ გამეცით პასუხი კითხვაზე, ვერც თქვენ, ვერც თქვენი უწყების ვერც ერთმა წარმომადგენელმა, რატომაა, რომ სახელმწიფო ქონება, რომელიც თქვენს სამინისტროს აქვს მართვაში, სახელმწიფო მიწა ბახმაროსა და გომის მთაზე არის მიტაცებული. ასობით მიწის ნაკვეთი არის მიტაცებული. თქვენ გაქვთ პასუხი ამ კითხვაზე? მე არ ვიცნობ ამ ადამიანს და მინდა გკითხოთ, თქვენს გვერდით თუ არის ქონების სააგენტოს ხელმძღვანელი, იქნება ხელი ასწიოს და დამენახოს მაქედან მაინც, თუ არა, მითხარით, რა პასუხისმგებლობაა ეს? ეს სახელმწიფოა თუ ბაბუამ დატოვა ეს შთამომავლობით, შეგიძლიათ ამიხსნათ? გომის მთაზე და ბახმაროში რაც ხდება, ეს არის სისხლის სამართლის დანაშაული და ეს არის პირდაპირ თქვენი უწყების დანაშაული, უპირველესად და თქვენი როგორც მინისტრის.

რაც შეეხება ანაკლიას, დავუშვათ, რომ ხაზარაძემ თავი ვერ გაართვა და არ ვარგა - ეს თქვენი პოზიციაა, ამ ხნის განმავლობაში, რატომ არის გაყინული ეს პროექტი? ეს შეგიძლიათ ამიხსნათ? თქვენ ხომ იაზრებთ ამ საქმის ეკონომიკურ და გეოპოლიტიკურ შემადგენელს. ამის შემდეგ თუ მოიძებნება დარბაზში, ვინც თქვენ მადლობას გეტყვით, კი მაინტერესებს, რომ შევხედო“, - განაცხადა არმაზ ახვლედიანმა.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა