ნათია მეზვრიშვილი - შერიგებისთვის მზაობა არცერთ პარტიას არ აქვს - ჩვენ შეგვიძლია კომპრომისები დავუშვათ, თუნდაც ერთ მაგიდასთან დავსხდეთ კობახიძესთან, რომელმაც ყველაფერი იკადრა

შერიგებისთვის მზაობა არცერთ პარტიას არ აქვს - ჩვენ შეგვიძლია კომპრომისები დავუშვათ, თუნდაც ერთ მაგიდასთან დავსხდეთ კობახიძესთან, - ამის შესახებ პარტია „საქართველოს“ ერთ-ერთმა ლიდერმა ნათია მეზვრიშვილმა „პალიტრანიუსის“ გადაცემაში „დღის ნიუსრუმი“ განაცხადა.

მისი თქმით, იმისათვის, რომ მოხდეს შერიგება, მნიშვნელოვანია მხარეები, ამ შემთხვევაში „ქართული ოცნება“ და ერთიანი ნაციონალური მოძრაობა“ წავიდნენ გარკვეულ დათმობაზე.

როგორც ოპოზიციონერმა პოლიტიკოსმა აღნიშნა, ხელისუფლება ქვეყანას ღრმა პოლარიზაციაში ამყოფებს, რასაც ხელს უწყობს "ნაციონალური მოძრაობა"

„დღეს ჩვენ მივდივართ ამ მიღებაზე. იდეა, ეს კეთილშობილური მიზანი, რომელიც გაჟღერდა, მივესალმებით, მაგრამ აქ არის ძალიან მნიშვნელოვანი „მაგრამ“ - დავსვამთ კითხვას, როგორ აპირებს „ოცნება“ კონკრეტული პირობების შესრულების გარანტიები შექმნას, რადგან გვინახავს ნათქვამი და შემდეგ გადათქმული, ხელმოწერილი და შემდეგ ეს ხელის მოწერა უარყოფილი, მათ შორის, გვინახავს ქვეყნისთვის ფინანსური ზიანის მიყენების ხარჯზე. ამაზე თუ არ იქნება საუბარი და გარანტიები, ბუნებრივად ჩნდება კითხვები, რატომ უნდა ვენდოთ ხელისუფლებას, ან კიდევ რატომ უნდა ვენდოთ „ნაცმოძრაობას,“ რომელიც ხელს მოაწერს და შემდეგ ბოიკოტს არ გამოაცხადებს, როგორც კი რაღაცა არ მოეწონება? შემდგომ პარლამენტს არ დატოვებს და საკრებულოებს ბოიკოტს არ გამოუცხადებს.

ეს არის ის, რაზეც ვსაუბრობთ, რომ კრიზისს ქმნიან, ელემენტარულ მუნიციპალურ დონეზე შეთანხმება არ შეუძლიათ მოქალაქეთა ინტერესებიდან გამომდინარე და ასეთი ნაბიჯები გვიჩენს სკეპტიციზმის საფუძველს. თუ იტყვის ეს ხალხი, რომ „დიახ, კომპრომისი შეგვიძლია, მოქალაქეების ინტერესებიდან გამომდინარე“ - შერიგება კომპრიმისებია და სამწუხაროდ, ვხედავთ, რომ ამ კომპრომისებისთვის მზაობა არცერთ პარტიას არ აქვს. ჩვენ შეგვიძლია კომპრომისები დავუშვათ, თუნდაც ერთ მაგიდასთან დავსხდეთ კობახიძესთან, რომელმაც არჩევნების წინა პერიოდში ყველაფერი იკადრა, გახარიას მისამართით, ჩვენი პარტიის წევრების მისამართით. შეგვიძლია ამაზე მაღლა დავაყენოთ ჩვენი მოქალაქეების ინტერესები, თუ ეს იქნება დიადი მიზანი და ეს ყველაფერი ქვეყანას სიკეთეს მოუტანს. პრაქტიკულად, ქვეყნის განვითარება შეჩერებულია, იმდენად ღრმა პოლარიზაციაში ამყოფებს „ქართული ოცნება“ ქვეყანას და ამას ყველანაირად ხელს უწყობს „ნაციონალური მოძრაობა“, - განაცხადა ნათია მეზვრიშვილმა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა