ლევან იოსელიანი - თუ შეგიძლიათ დამისახელოთ დემოკრატიული ქვეყანა, სადაც წამლის ნედლეულის იმპორტიორი, მწარმოებელი, დისტრიბუტორი, სააფთიაქო ქსელის, სამკურნალო დაწესებულებების მეპატრონე ერთი ადამიანია

პარტია „მოქალაქეების“ ერთ-ერთმა ლიდერმა, ვიცე-სპიკერმა ლევან იოსელიანმა პარლამენტში „მინისტრის საათის“ ფორმატში მყოფი საქართველოს ეკონომიკისა და მდგრადი განვითარების მინისტრის ნათია თურნავა გააკრიტიკა, რომ ქვეყანაში არის კომპანია რომელიც წამლის ნედლეულის იმპორტთან, მედიკამენტების წარმოებასა და დისტრიბუციასთან ერთად, სააფთიაქო ქსელის და სამშობიაროების მეპატრონეა.

ამასთან, იოსელიანის შეფასებით, ქვეყანაში მედიკამენტებზე მაღალი ფასი სწორედ ამ ფაქტორით არის განპირობებული.

„თუ შეგიძლიათ დამისახელოთ ერთი დემოკრატიული ქვეყანა, სადაც წამლის ნედლეულის იმპორტიორი, მწარმოებელი, მისი დისტრიბუტორი, სააფთიაქო ქსელის, სამშობიაროების, სამკურნალო დაწესებულებების და სარეაბილიტაციო ცენტრების მეპატრონე არის ერთი კომპანია, შესაბამისად ერთი ადამიანი. ვხუმრობ ხოლმე რომ თუ ამას დაამატებენ სარიტუალო და დამკრძალავ სერვისს, ჩვენი ცხოვრების სრულ ციკლს გააკონტროლებენ სამშობიაროდან დაწყებული, საუკუნო განსასვენებლამდე დამთავრებული. მერე ნუ გვიკვირს, თუ რატომ არის წამლის ფასები ძვირი, ამიტომ არის ძვირი. ამ ჯაჭვში როგორ შეიძლება წამლის ფასი არ იყოს ძვირი. მესმის, რომ შეიძლება თქვენი პირდაპირი კომპეტენცია ეს არ იყოს, მაგრამ როგორც მინისტრის აზრი ამ ველურ ბიზნესთან დაკავშირებით ნამდვილად მაინტერესებს“, - განაცხადა იოსელიანმა.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში