ირაკლი კობახიძე - ჩვენ ყველა პარტიას ვეუბნებით, შემოვიდნენ პარლამენტში და ჩაერთონ ჯანსაღ პოლიტიკურ პროცესში

ხუთჯერ თქვა ადამიანმა, რომ სააკაშვილის შეწყალებას არ აპირებს. ეს არ მოხდება, გვითხრა ქალბატონმა სალომე ზურაბიშვილმა , - ამის შესახებ “ქართული ოცნების” თავმჯდომარე ირაკლი კობახიძემ ჟურნალისტებს განუცხადა, რითაც უპასუხა კითხვას, რას მოიმოქმედებს მმართველი პარტია, თუ პრეზიდენტი მიხეილ სააკაშვილს შეიწყალებს.

კობახიძის თქმით, როდესაც პრეზიდენტი რამდენჯერმე აცხადებს, რომ არავითარ შემთხვევაში სააკაშვილს არ შეიწყალებს, “ამ მოცემულობიდან უნდა ამოვიდეთ”.

რაც შეეხება იმას, აპირებს თუ არა “ქართული ოცნება” დიალოგთან დაკავშირებით კონსულტაციებს, კობახიძე ამბობს, რომ მმართველი პარტია პრეზიდენტს ამ პროცესთან დაკავშირებით ყველა ინიციატივაში გაყვება.

კითხვაზე, დაჯდება თუ არა “ქართული ოცნება” მოლაპარაკებების მაგიდასთან “ნაციონალურ მოძრაობასთან” ერთად, ირაკლი კობახიძის თქმით, ხელისუფლების წარმომადგენლები დისკუსიას ყველა პარტიასთან გამართავენ.

“პრეზიდენტს თუ ექნება ინიციატივები ამ პროცესთან დაკავშირებით, ყველა ინიციატივაში გავყვებით, რამაც შეიძლება პოლარიზაციის ხარისხი შეაფასოს. ჩვენ ყველა პოლიტიკურ პარტიას ვეუბნებით, რომ შემოვიდნენ პარლამენტში და ჩაერთონ ჯანსაღ პოლიტიკურ პროცესში. თუ საუბარია დისკუსიასა და მოლაპარაკებაზე, მზად ვართ, ასეთი დისკუსია ყველასთან გავმართოთ. ეს არის ჩვენი პასუხისმგებლობა ამომრჩევლის ნებიდან გამომდინარე”,- განაცხადა ირაკლი კობახიძემ.

საკითხზე, რომ მოლაპარაკებები მხოლოდ პრეზიდენტის ჩართულობით გაიმართება თუ ინდივიდუალურადაც, კობახიძე ამბობს, რომ ეს მეორეხარისხოვანია და დისკუსიები უნდა გაიმართოს ყველა პოლიტიკურ პარტიას შორის, ვისაც გარკვეული ტიპის მანდატი აქვს მიღებული.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა