სამედიცინო და ფარმაცევტული საქმიანობის რეგულირების სააგენტომ მუშაობის 2 წლის ანგარიში წარადგინა

სამედიცინო და ფარმაცევტული საქმიანობის რეგულირების სააგენტომ მუშაობის 2 წლის ანგარიში წარადგინა.

სამედიცინო და ფარმაცევტული საქმიანობის რეგულირების სააგენტოს ხელმძღვანელის, ზაალ კაპანაძის თქმით, სააგენტო აქტიურად განაგრძობს მუშაობას სერვისებისა და მედიკამენტების ხარისხის გაუმჯობესების თვალსაზრისით.

„ბოლო 2 წლის განმავლობაში შემუშავდა რეგულირების ახალი ინსტრუმენტები. გაფართოვდა და დაზუსტდა კლინიკების სანებართვო პირობები. გაიწერა ახალი სანებართვო პირობები კარდიოქირურგიული და გადაუდებელი სამედიცინო დახმარების სერვისის მიმწოდებლებისთვის, კერძოდ გაუმჯობესდა ინფრასტრუქტურული ნაწილის მოთხოვნები, პერსონალის რაოდენობა, უწყვეტი სამედიცინო განათლების ვალდებულება და ა.შ. ამოქმედდა ინფექციის კონტროლის შეფასების ინსტრუმენტი. გარდა ამისა, საქართველოში პირველად გაიცა GMP და GDP სერტიფიკატები. შეიქმნა პაციენტზე, სამედიცინო დაწესებულებასა და ექიმზე ორიენტირებული სამედიცინო-სოციალური ექსპერტიზის შედეგების ელექტრონული ჩანაწერების სისტემა“, - განაცხადა ზაალ კაპანაძემ.

რეგულირების სააგენტოს ხელმძღვანელმა კიდევ ერთხელ გაუსვა ხაზი, მედიკამენტების ხარისხის კონტროლის მიზნით ეროვნული ლაბორატორიის შექმნის მნიშვნელობას.

მისი თქმით, მუშაობა უკვე აქტიურ ფაზაზეა გადასული და ლაბორატორიის შექმნისთვის მობილიზებულია როგორც ბიუჯეტი, ასევე ინფრასტრუქტურა.

გამოსვლის ბოლოს, ზაალ კაპანაძემ სააგენტოს ფუნდამენტური გაძლიერების მნიშვნელობაზე გაამახვილა ყურადღება.

„ჩვენ, როგორც მარეგულირებელს გვაკისრია პასუხისმგებლობა ხარისხის უზრუნველყოფაზე, თუმცა მნიშვნელოვანია, აღნიშნულისთვის გვქონდეს ქმედითი ბერკეტები, რომელიც დღეს, რეალურად გვაქვს შეზღუდული სახით. სწორედ ამიტომ, პარლამენტის ჯანმრთელობის დაცვისა და სოციალურ საკითხთა კომიტეტთან ერთად, აქტიურად ვმუშაობთ საკანონმდებლო ცვლილებებზე, რომელიც მორგებული იქნება პაციენტის საუკეთესო ინტერესებზე. აღნიშნული საკანონმდებლო ცვლილებებითა და ქვეყანაში ხარისხის საერთაშორისო სტანდარტების დანერგვით, გახდება შესაძლებელი სამედიცინო სერვისების ხარისხის კიდევ უფრო გაუმჯობესება, რითიც ისარგებლებს როგორც მოქალაქე, რადგან მიიღებს პაციენტზე ორიენტირებულ მომსახურებასა და ხარისხიან მედიკამენტს, ასევე სამედიცინო სერვისის მიმწოდებელი დაწესებულებაც, რათა მათ მიმართ გაიზრდება ნდობა“,-აღნიშნა კაპანაძემ.

ინფორმაციას სამედიცინო და ფარმაცევტული საქმიანობის რეგულირების სააგენტო ავრცელებს.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
ტერაბანკი სამომხმარებლო სესხებსა და საკრედიტო ბარათებზე აქციას იწყებს
"სილქნეტის" ულიმიტო პაკეტები აქტიური ზამთრისთვის
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში