კავკასიის საერთაშორისო უნივერსიტეტის სამართლის ფაკულტეტის საბაკალავრო, სამაგისტრო და სადოქტორო პროგრამის სტუდენტებს საქართველოს პარლამენტმა უმასპინძლა.

როგორც კავკასიის საერთაშორისო უნივერსიტეტის მიერ გავრცელებულ ინფორმაციაშია აღნიშნული, შეხვედრის ფარგლებში, სტუდენტები გაეცნენ საკანონმდებლო ორგანოს მუშაობას, დაესწრნენ სესიას და შეხვდნენ საკანონმდებლო ორგანოს წარმომადგენლებს.

სტუდენტებმა ასევე დაათვალიერეს მარო მაყაშვილის სახელობის საკონფერენციო დარბაზი და პარლამენტის შენობაში არსებული ექვთიმე თაყაიშვილის სახელობის ქართული პარლამენტარიზმის მუზეუმი, სადაც გაეცნენ სხვადასხვა სახის სამართლებრივ და ისტორიულ დოკუმენტებს, რომლებიც ასახავს დამოუკიდებელი საქართველოს უახლეს ისტორიას.