რატი ბრეგაძე - ყველა ადამიანი სამართლის წინაშე თანასწორია, შესაბამისად განსხვავებული მიდგომა ვერ  გვექნება ვერავისთან, იქნება ეს ყოფილი პრეზიდენტი, თუ ნებისმიერი სხვა თანამდებობის პირი

იუსტიციის მინისტრის რატი ბრეგაძის განცხადებით კანონის წინაშე ყველა ადამიანი თანასწორია, შესაბამისად განსხვავებული მიდგომა ვერც ერთი პატიმრის მიმართ, წარსულში მისი სტატუსის მიუხედავდ, ვერ იქნება.

ამის შესახებ რატი ბრეგაძემ ,,მინისტრის საათის" ფორმატში დეპუტატ ეკა სეფაშვილის კითხვის საპასუხოდ განაცხადა.

,,ბუნებრივია, ჩვენ პატივს ვცემთ საქართველოს კონსტიტუციას, რომლის მე-11 მუხლის თანახმად, ყველა ადამიანი სამართლის წინაშე თანასწორია. შესაბამისად განსხვავებული მიდგომა ვერ გვექნება ვერავისთან მისი ყოფილი სტატუსიდან გამომდინარე ვინც არ უნდა იყოს ის იქნებოდა ეს ყოფილი პრეზიდენტი, თუ ნებისმიერი სხვა თანამდებობის პირი. ამ ქვეყანაში ყველა ადამიანი თანასწორია კანონის წინაშე. ბუნებრივია, ჩვენ მარადჟამს ვიქნებით ამ პრინციპის დამცველი. თუმცა კანონის თანასწორობა კონკრეტულად პენიტენციურ სისტემაში გულისხმობს იმას, რომ აბსოლუტურად ყველა პატიმრის უფლება არის შესაბამისი წესით დაცული. თუკი რაიმე დარღვევას ექნება ადგილი არა აქვს მნიშვნელობა ყოფილ სტატუსს არსებობს სამართლებრივი რეაგირების მექანიზმები და ნებისმიერი პატიმრის უფლებადამცველს, ასევე სხვა გულშემატკივარ ადამიანსაც, რა თქმა უნდა, შეუძლია მიმართოს სასამართლოს, ესეც კონსტიტუციური ჩანაწერია. ბუნებრივია დარწმუნებული ვარ, ამ ადამიანებმა კარგად იციან ყველა იმ სამართლებრივი შესაძლებლობის შესახებ რაც მათ აქვთ", - განაცხადა რატი ბრეგაძემ.

იუსტიციის მინისტრმა მსჯავრდებულ მიხეილ სააკაშვილის პენიტენციურ დაწესებულებაში გადაყვანის საკითხზეც ისაუბრა და აღნიშნა, რომ შესაბამისი სამედიცინო დასკვნისა და სამედიცინო პერსონალის თანხმობის შემთხვევაში სააკაშვილი კვლავ მე-12 პენიტენციურ დაწესებულებაში მოთავსდება.

,,მას შემდეგ რაც გვექნება შესაბამისი სამედიცინო დასკვნა და სამედიცინო პერსონალის თანხმობა როგორც უკვე მრავალგზის განვაცხადე გადაყვანილი იქნება სპეციალური პენიტენციური სამსახურის მე-12 დაწესებულებაში, რუსთავში, სადაც თავიდან იყო შესახლებული", - განაცხადა მინისტრმა პარლამენტში „მინისტრის საათის" ფორმატით გამოსვლისას.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!