იუსტიციის მინისტრმა, რატი ბრეგაძემ უწყების მხრიდან მედიაციის მექანიზმის გამოყენების ხარისხი შეაფასა და სამომავლო გეგმებზე ისაუბრა.
როგორც მინისტრმა აღნიშნა, იუსტიციის სამინისტრო აქტიურად იყენებს მედიაციის მექანიზმს, რასაც პროგრამაში ჩართული არასრულწლოვნების საქმეებზე 2021 წელს დაფიქსირებული წარმატებული მედიაციის ყველაზე მაღალი - 71%-იანი მაჩვენებელი ცხადყოფს.
მისი თქმით, კიდევ უფრო გაძლიერდება აღდგენითი მართლმსაჯულების მიმართულება. კერძოდ, მომავალ წელს ქვეყანაში მედიაციის სამი ახალი სივრცე შეიქმნება, რაც მიმართულების განვითარებას შეუწყობს ხელს.