პატიმრების პირობით ვადაზე ადრე გათავისუფლების მექანიზმი საბჭოთა სისტემით მუშაობს - არის ნულოვანი გამჭვირვალობა და ნულოვანი ანგარიშვალდებულება, - აღნიშნული განცხადებით პარლამენტის პლენარულ სხდომაზე იუსტიციის მინისტრს რატი ბრეგაძეს ოპოზიციონერმა დეპუტატმა ანა ნაცვლიშვილმა მიმართა.

ნაცვლიშვილმა ხაზგასმით აღნიშნა, რომ პირობით ვადაზე ადრე გათავისუფლების კომისიის საქმიანობა გამჭვირვალე არ არის.

“კომისიის წევრების სახელები და გვარები რომ მომეპოვებინა, თვეებია მაქვს მიმოწერა თქვენს უწყებასთან. ეს არც მე და არც საზოგადოებას არ უნდა სჭირდებოდეს! ანგარიშებს უნდა გაბარებდეთ თქვენ და მთელს საზოგადოებას თუ როგორც მუშაობს კომისია, რატომ, რაზე დაყრდნობით იღებს კონკრეტულ გადაწყვეტილებებს და ამ ადამიანებმა საკუთარი ცოდნით, კომპეტენციითა და განვლილი გზით ასეთი საპასუხისმგებლო თანამდებობები რამდენად დაიმსახურეს“, - მიმართა რატი ბრეგაძეს ანა ნაცვლიშვილმა.