რატი ბრეგაძე - თუკი 2005 წელს სტიპენდია მქონდა, უნდა მივიდე და მალულად საკნის კარი გამოვაღო, თუ რა უნდა გავაკეთო?

2005 წელს, როდესაც დავასრულე სწავლა, მქონდა მოწვევა ჰამბურგის ინსტიტუტიდან და მაშინ დაარსდა პრეზიდენტთან არსებული რეფორმებისა და განვითარების ფონდი - თუკი მე 2005 წელს მქონდა სტიპენდია, ამის გამო, დღეს, როდესაც იუსტიციის მინისტრი ვარ, უნდა მივიდე და მალულად საკნის კარი გამოვაღო, თუ რა უნდა გავაკეთო? - ასე უპასუხა იუსტიციის მინისტრმა, რატი ბრეგაძემ პარლამენტში „მინისტრის საათის“ ფორმატში მიმდინარე მოსმენაზე მიხეილ სააკაშვილის პრეზიდენტობის პერიოდში რატი ბრეგაძის სტიპენდიასთან დაკავშირებულ კითხვას.

მისი თქმით, 2005 წელს მან ეს სტიპენდია კონკურსის გავლის შედეგად მიიღო და არა კონკრეტულ პირის ჯიბიდან.

„2005 წელს, როდესაც დავასრულე სწავლა, მქონდა მოწვევა ჰამბურგის ინსტიტუტიდან და მაშინ დაარსდა პრეზიდენტთან არსებული რეფორმებისა და განვითარების ფონდი. ეს არ იყო ვინმეს სახელობის ფონდი, არც არავის ამოუღია თანხა ჯიბიდან და ჩემთვის არ მოუცია. მოწვევის საფუძველზე გავიარე კონკურსი და მივიღე სტიპენდია. ამის შესახებ მე ყველგან მაქვს საუბარი. ვიმყოფებოდი ჰამბურგში 10 თვის განმავლობაში. ასევე იყვნენ სხვა ახალგაზრდებიც. თუკი მე 2005 წელს მქონდა სტიპენდია, ამის გამო, დღეს, როდესაც იუსტიციის მინისტრი ვარ, უნდა მივიდე და მალულად საკნის კარი გამოვაღო, თუ რა უნდა გავაკეთო? ჩემთვის სრულიად ამოუცნობი ფენომენია“, - განაცხადა რატი ბრეგაძემ.

იუსტიციის მინისტრმა ასევე უპასუხა ოპოზიციონერი დეპუტატის, სალომე სამადაშვილის კრიტიკას და აღნიშნა, რომ მისი გამოსვლა უაკორდო მუსიკა იყო.

„ქალბატონი სალომე საუბრობდა ერთაკორდიან მუსიკაზე. მინდა გითხრათ, რომ მათ შორის მუსიკალური განათლებაც მიღებული მაქვს და კონსერვატორიაშიც ვსწავლობდი. მეტ-ნაკლებად ვერკვევი მუსიკაში და თქვენი გამოსვლა იყო არა ერთ აკორდიანი, არამედ უაკორდო მუსიკა და საერთოდ ნოტების გარეშე შესრულებული - სიჩუმეში, ჩუმად შესრულებული, რომელიც მხოლოდ თქვენ გესმოდათ“, - მიმართვა მინისტრმა სამადაშვილს.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა