რომან გოცირიძე - ვიცოდით, რომ პრეზიდენტთან საახალწლო მიღება იყო, ტრადიციული ალაფურშეტი, ამის გამო ბევრი არ მივიდა

გუშინ ჩვენ ვიცოდით, რომ ეს იყო საახალწლო მიღება, ტრადიციული ალაფურშეტი, რომელიც იმართება ხოლმე პრეზიდენტის სასახლეში - ამის გამო ბევრი არ მივიდა, - ასე უპასუხა შეკითხვას „ერთიანი ნაციონალური მოძრაობის“ წევრმა, რომან გოცირიძემ „პალიტრანიუსის“ გადაცემაში „360 გრადუსი,“ თუ რატომ არ იმყოფებოდნენ მათი პარტიის წარმომადგენლები ორბელიანის სასახლეში, პრეზიდენტის საახალწლო მიღებაზე.

რომან გოცირიძის თქმით, ბევრმა გააკეთა განცხადება, მიესალმება თუკი მართლაც იქნება ე.წ. შერიგების ინიციატივა.

„გუშინ ჩვენ ვიცოდით, რომ საახალწლო მიღება იყო, ტრადიციული ალაფურშეტი, რომელიც იმართება ხოლმე პრეზიდენტის სასახლეში. გუშინ აღმოჩნდა უფრო მცირერიცხოვანი, მხოლოდ გარკვეულ სეგმენტზე ორიენტირებული. როგორც წესი, პრეზიდენტის სასახლეში პატიჟებს ყველას, ასობით ადამიანს, ეს ფორმატი იყო. ამის გამო ბევრი არ მივიდა და ბევრმა გააკეთა განცხადება, მიესალმება თუკი მართლაც იქნება ასეთი ინიციატივა გამოჩენილი და პროცესი დაიწყება, მაგრამ ამის შესახებ ვიმსჯელებთ საქმიანად.

არაფერი განსაკუთრებული არ იყო. არ მისვლა იმას ნიშნავს, რომ როდესაც „ქართული ოცნებიდან“ ადამიანი, რომელთანაც ჭიქები უნდა აჯახუნო, გეუბნება, რომ უნდა დაგხურო, დაგიჭირო, პარტია გავაუქმოთ. რეზოლუცია მიიღეს, პარლამენტში კენჭი უყარა იმ ადამიანებმა, ვინც გუშინ ალაფურშეტზე იყო, უნდათ, რომ „ნაციონალური მოძრაობა“, როგორც პარტია, აიკრძალოს. კიდევ კარგი 6 თუ 7 ხმა დააკლდა“, - განაცხადა რომან გოცირიძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს