სალომე ზურაბიშვილი - პოლარიზაცია შემაშფოთებელი ტენდენციაა

უსაფრთხოება და სტაბილურობა ისეთი მნიშვნელოვანია, როგორც არასდროს ყველა ჩვენგანისთვის, - ამის შესახებ საქართველოს პრეზიდენტმა სალომე ზურაბიშვილმა ორბელიანების სასახლეში საქართველოში აკრედიტებული დიპლომატიური კორპუსის წარმომადგენლებთან შეხვედრისას განაცხადა.

„რა თქმა უნდა, ჩვენ ვხედავთ რუსეთის უკიდურეს გადაწყვეტილებას, დაუპირისპირდეს მსოფლიოს ძველ წესრიგს – ჩვენ ამას ვხედავთ საქართველოს ტერიტორიაზე; ვხედავთ, რომ ეს მაგალითი ახლა სხვაგან მეორდება და ვხედავთ უკიდურესად შემაშფოთებელ ქცევას უკრაინაში; ვხედავთ, რომ ბელარუსი იყენებს მიგრანტებს და ეს არის ახალი ინსტრუმენტი მეზობელი ქვეყნების დესტაბილიზაციისთვის; ვხედავთ ამ ყველაფერს, ძალიან შემაშფოთებელ ახალ ტენდენციებს და უნდა ვიპოვოთ ახალი გადაწყვეტილებები. გუშინ გერმანიამ ორი რუსი დიპლომატი გააძევა, რომლებიც იყვნენ პასუხისმგებელი ქართველის მკვლელობაზე. ეს არის ის სამყარო, სადაც ჩვენ წელს ვცხოვრობდით და სავარაუდოდ, მომდევნო წელსაც გავაგრძელებთ ცხოვრებას“, – განაცხადა სალომე ზურაბიშვილმა.

მან ასევე ისაუბრა პოლარიზაციის საკითხზე და აღნიშნა, რომ პოლარიზაცია აზიანებს არა მხოლოდ პატარა ქვეყნებს, ახალ დემოკრატიას, არამედ დიდ ქვეყნებსაც.

„ასევე ცნობილია შიდა უკიდურესი გამოწვევები არა მხოლოდ საქართველოში, სადაც ის უკიდურესად იყო წარმოდგენილი, პოლარიზაცია, უკიდურესად პოლარიზებული კონტექსტის არჩევნები, რაც ნამდვილად შემაშფოთებელი პოლიტიკური საკითხებია, სადაც სახელმწიფო ინტერესები ცალსახად გვერდით არის გადადებული ცალკეული პოლიტიკური ინტერესების სანაცვლოდ. პოლარიზაცია ძალიან შემაშფოთებელი ტენდენციაა, რომელმაც დააზარალა არა მხოლოდ საქართველო, პატარა ქვეყანა, ახალი დემოკრატია, ჩვენ ასევე ვხედავთ, რომ დიდი დემოკრატიული ქვეყნებიც დაზარალდნენ ამ პოლარიზაციის გამო. როგორც ჩანს, ეს არის ტენდენცია, რომელსაც ბევრი ქვეყანა იზიარებს და საერთო გამოსავალი უნდა ვიპოვოთ“, – განაცხადა სალომე ზურაბიშვილმა.

საქართველოს პრეზიდენტმა ახლახან ჩატარებულ „აღმოსავლეთ პარტნიორობის“ სამიტზეც ისაუბრა და განაცხადა, რომ ეს სამიტი იყო პროგრესი საქართველოს ევროინტეგრაციის გზაზე.

„ჩვენ დავინახეთ, რომ „აღმოსავლეთ პარტნიორობის“ ბოლო სამიტი იყო პროგრესი ევროინტეგრაციის გზაზე და ევროკავშირის გადაწყვეტილებები ძალიან მნიშვნელოვანია. ევროპული საბჭოს პრეზიდენტის სამი ვიზიტი - ეს არის ის, რაც, ალბათ ჯერჯერობით გაცნობიერებული არ გვაქვს, რა მნიშვნელოვანი ნაბიჯი და ცვლილება იყო. ვინაიდან ეს მიანიშნებს ევროკავშირის გადაწყვეტილებაზე, იყოს აქტიური. ვხედავთ, რომ ყველაფერი ჩვენზეა დამოკიდებული, თუ ჩვენ მზად ვართ, შეგვიძლია წინსვლა და ეს ქართველი ხალხისთვის დიდი გამოწვევაა. მე გამოვთქვი ახალი ინიციატივა, რომელიც გაერთიანების მცდელობაა, უთანხმოებების გადალახვის მცდელობაა, მაგრამ საზოგადოება პლურალისტული უნდა დარჩეს. ჩვენ არასდროს ვიფიქრებთ ერთნაირად ბევრ განსხვავებულ საკითხზე, მაგრამ ამავდროულად, რა აზრი აქვს განსხვავებულ აზროვნებას ან განსხვავებულ საკითხებს, თუ ჩვენ არ შეგვიძლია ერთად განხილვა. ამიტომ უნდა ვიპოვოთ გზა ამ ყველაფრის გადასალახად და განვიხილოთ უთანხმოებები, რადგან შესაძლოა, ერთმანეთის მოსმენა საინტერესო იყოს და ვფიქრობ, ამით ჩვენ დავიბრუნებთ იმას, რაც არის საქართველოს იდენტობა, რომელიც იყო ერთიანობა და ტოლერანტობა. სხვა შემთხვევაში, ეს რომ ასე არ ყოფილიყო, დღეს ეს ქვეყანა არ იარსებებდა და მე არ ვიქნებოდი ამ ქვეყნის პრეზიდენტი.

ასე რომ, დიდი იმედი მაქვს, ეს ქვეყანა კიდევ დიდხანს იარსებებს და რომ ერთად შევძლებთ ამ ახალი გამოწვევების დაძლევას“, – განაცხადა სალომე ზურაბიშვილმა დიპლომატებთან შეხვედრისას.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი