პრემიერ-მინისტრმა წარმოადგინა 2021 წლის ანგარიში. განსაკუთრებით მნიშვნელოვანია, რომ მისი ხელმძღვანელობით საქართველოს მთავრობამ ვაქცინაცია ხელმისაწვდომი გახადა თითოეული მოქალაქისთვის, - ამის შესახებ აჭარის ავტონომიური რესპუბლიკის მთავრობის მეთაურმა თორნიკე რიჟვაძემ საქართველოს პრემიერ-მინისტრის ირაკლი ღარიბაშვილის მიერ მთავრობის საქმიანობის 2021 წლის ანგარიშის წარდგენასთან დაკავშირებით განაცხადა.

მისი თქმით, განსაკუთრებით მნიშვნელოვანია ის ორნიშნა ეკონომიკური ზრდა, რომელიც ქვეყნის თითოეული მოქალაქის ინტერესს ემსახურება .

„დღეს, ასევე, წარმოდგენილი იყო კონკრეტული გეგმები, 10 წლიანი ხედვა, რომელიც ემსახურება თითოეული მოქალაქის კეთილდღეობის ზრდას და ასევე, ემსაუხურება ყველა რეგიონის, ქალაქის, დასახლების განვითარებას და განახლებას“, - განაცხადა რიჟვაძემ.