დიდ დიღომში "ასი ათასი მოწამის სახელობის პარკის გადასარჩენად" აქცია გაიმართა

თბილისში, დიდ დიღომში "ასი ათასი მოწამის სახელობის პარკის გადასარჩენად" მოსახლეობა საპროტესტო აქციას მართავს.

აქციის მონაწილეების განცხადებით, აღნიშნულ ტერიტორიაზე ფეხბურთის ფედერაცია სტადიონის გაკეთებას გეგმავს.

აქციაზე შეკრებილები ტერიტორიაზე ფეხბურთის ფედერაციის მიერ სტადიონის მშენებლობას ეწინააღმდეგებიან.

შეკრებილები ითხოვენ, რომ მოსახლეობას დაუტოვონ მწვანე სივრცე და მერიისგან არ დამტკიცდეს სტადიონის პროექტი.

"აქ შევიკრიბეთ უკვე რამდენჯერმა, რადგან ამ სარეკრეაციო ტერიტორიის გადარჩენას ვითხოვთ მთავრობისგან. როგორც კი დაიგეგმა ამ ტერიტორიის პროექტი ეს ტერიტორია იყო კოლექტიურ სარგებლობაში მოსახლეობის მხრიდან. ეს არის ერთადერთი ბუნებრივი გამწვანება, რომელსაც მოსახლეობა ვიყენებთ, განსაკუთრებით პანდემიის პერიოდში. ამ ტერიტორიაზე ვითხოვთ მწვანე სივრცეს. ჩვენ ვეწინააღმდეგებით ფეხბურთის ფედერაციისთვის ამ ტერიტორიის გადაცემას. ჩვენ პროექტს არ ვეწინააღმდეგებით, ჩვენ ვეწინააღმდეგებით ადგილმდებარეობას. მოსახლეობას უნდა დაუტოვონ სარეკრეაციო სივრცეები, რომელიც უკვე ნელ-ნელა მცირდება.

სამი სარჩელი შევიტანეთ სასამართლოში, რომლის განხილვაც არ დაწყებულა. მერიის წარმომადგენლებთან კომუნიკაცია არ გვქონია. შეხვედრას ვითხოვდით მერთან. ჩვენ აქცია მერიასთანაც გვქონდა. ჩვენ ფიზიკურად აღუდგებით ყველა იმ მძიმე ტექნიკას, რომელიც აქ შემოვა", - განაცხადა აქციის მონაწილემ ელენე მეჩიქოვამ.

აქციის მონაწილეების თქმით, იმ შემთხვევაში თუ სტადიონის პროექტი არ შეჩერდება, საპროტესტო აქციებს გააგრძელებენ.

მოსახლეობამ პროტესტის ნიშნად ცოცხალი ჯაჭვი გააკეთა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!