ირაკლი ზარქუა - გორშიც იკრიბებიან „სტალინისტები“ და თავიანთი ბელადის დაბადების დღეს აღნიშნავენ, აქეთაც შეიკრიბება „ნაცმოძრაობა" თავიანთი ბელადის დაბადების დღის აღსანიშნად

გორშიც იკრიბებიან „სტალინისტები“ და თავიანთი ბელადის დაბადების დღეს აღნიშნავენ, აქეთაც შეიკრიბება "ნაციონალური მოძრაობა" თავიანთი ბელადის დაბადების დღის აღსანიშნად, - ასე ეხმიანება საპარლამენტო უმრავლესობის წევრი ირაკლი ზარქუა ჟურნალისტებთან "ნაციონალური მოძრაობის" ხვალინდელ აქციას.

ის ასევე გამოეხმაურა გიორგი მარგველაშვილისა და სალომე ზურაბიშვილის შეხვედრის თაობაზე გავრცელებულ ინფორმაციას და აღნიშნა, რომ არავინ უნდა მოიტყუოს თავი, რომ "ნაციონალურ მოძრაობას" პოლიტიკური სიტუაციის დასტაბილურება უნდა.

„პრეზიდენტის განცხადება, რომ სააკაშვილს არ შეიწყალებს, პრინციპული იყო, შესაბამისად, ვფიქრობ, რომ არ შეიწყალებს.

რაც შეეხება ექსპრეზიდენტ მარგველაშვილის და ზურაბიშვილის შეხვედრას, ეს ძალიან კარგია. თუ მათი შეხვედრის შინაარსია, რომ საზოგადოებაში დაძაბულობა განიმუხტოს და შევქმნათ პოლიტიკური პროცესი, რომელიც იქნება ღია, გამჭვირვალე და არა ერთმანეთის გინება, არამედ იდეების და პროგრამების ჭიდილი, ეს მისასალმებელია. თქვენ ნახეთ, რომ ზურაბიშვილთან შეხვედრაზე არ მივიდა "ნაციონალური მოძრაობა" და ხვალ ისევ აქციას აწყობს, ქაოსი უნდათ შემოიტანოს დედაქალაქის ქუჩებში და ნუ მოვიტყუებთ ნურავინ თავს, რომ ამ ხალხს სჭირდება სტაბილიზაცია. ხვალინდელი მათი აქცია ალბათ, უკავშირდება თავიანთი ლიდერის დაბადების დღეს, ისევე როგორც გორშიც იკრიბებიან სტალინისტები და თავიანთი ბელადის დაბადების დღეს აღნიშნავენ, აქეთაც შეიკრიბებიან თავიანთი ბელადის დაბადების დღის აღსანიშნად. ამის უფლება აქვთ, ეს არ არის პრობლემა, პრობლემაა, რომ მოქალაქეებს დისკომფორტს ნუ უქმნიან. ზოგი მოდის, ბავშვებს ასეირნებს და ქუჩების გადაკეტვა და შეძახილები, ხომ ვნახეთ, რომ ამას არ აქვს გაგრძელება, ხომ ვნახეთ პირველი ტალღა ჩაფლავდა და ახლა მოიწვიეს კიდევ "კგბ"- ს გენერალი, ბიძამისი ბატონი ალასანია, ტყუილად შეაწუხეს კაციც", - განაცხადა ზარქუამ.

მისი თქმით, მისთვის და მისი გუნდისთვის მნიშვნელოვანია, რომ შერიგება მიხეილ სააკაშვილის და სხვების მიტევებას და გარეთ გამოშვებას არ ნიშნავდეს.

"პრეზიდენტის ინიციატივა მისასალმებელია და კეთილშობილურია, ამაღლებულია, ქართველისთვის, ქრისტიანისთვის ამაზე უკეთესი რა უნდა იყოს? ჩვენ არ ვართ წინააღმდეგი, შერიგებისა და შემორიგებისთვის ძალიან ბევრი ნაბიჯი გადავდგით, მათ შორის 2012 წელს კოჰაბიტაციის ნაწილით, რომელიც იყო ჩვენი დასავლელი პარტნიორების რეკომენდაციით და გვერდში დგომით. ჩვენთვის მნიშვნელოვანია, შერიგება არ ნიშნავდეს, რომ ადამიანებს, ვინც აწამებდნენ, კლავდნენ, ატერორებდნენ ბიზნესს, ახალგაზრებს ხოცავდნენ, მივუტევოთ და ციხიდან გამოვუშვათ. თუ ამას გულისხმობს, ეს მიუღებელია, როგორც ჩემთვის, რიგითი პოლიტიკოსისთვის, ასევე გუნდისთვისაც. "ნაცმოძრაობას" ასე ესმის, რომ პატიმარ სააკაშვილს მივუტევოთ და გარეთ გამოუშვათ. ეს არ არის სწორი დეფინიცია, თუ შერიგება არ დგას სამართლიანობაზე, ის ფუჭია. ჩვენთვის მნიშვნელოვანია, შერიგება, გახლეჩილი საზოგადოების გამთლიანება, მაგრამ ეს არ ნიშნავს იმას, რომ იმ მწვალებლებს ეპატიოთ დანაშაული და გარეთ გამოვუშვათ,"- განაცხადა ზარქუამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!