ვაქცინაციის 60%-იან მაჩვენებელზე ვერ გავდივართ, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ონლაინ ბრიფინგზე განაცხადა.
მისივე თქმით, მოსალოდნელია, რომ დეკემბრის ბოლომდე მოზრდილი მოსახლეობის 40% აიცრას.
„მოცვა მაღალი არ არის. ალბათ, წლის ბოლომდე გავალთ ჯანმო-ს სამიზნე მაჩვენებელზე, მოზრდილი მოსახლეობის 40% აიცრება, 60%-იან მაჩვენებელზე ვერ გავდივართ. იმისთვის, რომ „ომიკრონმა“ მდგომარეობა არ გააუარესოს და შემთხვევების რაოდენობა არ გაიზარდოს, აცრების რაოდენობამ მაქსიმალურად უნდა მოიმატოს“, - განაცხადა ამირან გამყრელიძემ.