გარემოს დაცვისა და ბუნებრივი რესურსების კომიტეტში ინერტული ნარჩენების მდგრადი მართვის საკითხებზე იმსჯელეს

გარემოს დაცვისა და ბუნებრივი რესურსების კომიტეტში ინერტული ნარჩენების მდგრადი მართვის საკითხების შემსწავლელი თემატური მოკვლევის ჯგუფის შეხვედრა გაიმართა.

შეხვედრაზე თემატური მოკვლევის საბოლოო ანგარიშის სამუშაო ვერსია დამოუკიდებელმა თემატურმა სპეციალისტმა, კახა ბახტაძემ წარადგინა.

მისი თქმით, მოკვლევის მიზანს წარმოადგენს ინერტული ნარჩენების მართვასთან დაკავშირებული პრობლემების იდენტიფიცირება და შესაბამისი რეკომენდაციების შემუშავება ნარჩენების მდგრადი მართვის ხელშეწყობისათვის. მან ისაუბრა კონკრეტულ ფაქტებთან დაკავშირებით და ამ ფაქტების მოკვლევისას გამოკვეთილი მიგნებების თაობაზე.

„კერძოდ ითქვა, რომ 2014 წლიდან მოქმედებს „საქართველოს ნარჩენების მართვის კოდექსი" და შემუშავებულია ნაგავსაყრელების მოწყობის ტექნიკური მოთხოვნები, თუმცა ეს საკმარისი არ არის ინერტული ნარჩენების მართვის სისტემის ამოქმედებისთვის. ქვეყნაში არ არსებობს კანონმდებლობის და ევროპული სტანდარტების შესაფერისი ნაგავსაყრელები. აღინიშნა ისიც, რომ სისტემის შესაქმნელად საჭიროა ცენტრალურ დონეზე შესაბამისი სამოქმედო გეგმების და მეთოდოლოგიური დოკუმენტების შემუშავება, ადგილობრივი თვითმმართველობებისთვის მისი გაზიარება და თვითმმართველობებს შორის თანამშრომლობის გაძლიერება. ინერტული ნარჩენების მართვაზე პასუხისმგებელი უწყების შექმნა კვალიფიციური თანამშრომლებით.

ანგარიშის მოსმენისას გარემოს დაცვისა და ბუნებრივი რესურსების კომიტეტის თავმჯდომარემ, მაია ბითაძემ აღნიშნა, რომ პრობლემის ეფექტიანი მოგვარებისთვის შესაძლოა საკანონმდებლო ცვლილებების განხორციელებაც გახდეს საჭირო.

შეხვედრაზე გაიმართა დისკუსია მოსმენილი ანგარიშის შესახებ.

თემატური მოკვლევის ფარგლებში კონკრეტულ ფაქტებზე და მიგნებებზე დაფუძნებული მოსაზრებების გთვალისწინებით შემუშავებული რეკომენდაციები დაეგზავნებათ შესაბამის უწყებებსა და ორგანიზაციებს. იმსჯელეს რეკომენდაციების განმახორციელებელი პასუხისმგებელი უწყებებისა და ვადების შესახებ.

შეხვედრაზე ასევე განიხილეს და მხარი დაუჭირეს თემატური მოკვლევის ვადის ერთი თვით გახანგრძლივების საკითხს“, - ნათქვამია პარლამენტის პრესსამსახურის მიერ გავრცელებულ ინფორმაციაშია.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!