ისნის რაიონის გამგეობის ინფორმაციით, ვაზისუბანში აფეთქების შედეგად დაზიანებული კორპუსი საცხოვრებლად ვარგისია, ხვალიდან კი ზარალის დათვლა დაიწყება

ვაზისუბანში, აფეთქების შედეგად დაზიანებული კორპუსი საცხოვრებლად ვარგისია. ამის შესახებ „ინტერპრესნიუსს“ ისნის რაიონის გამგეობაში განუცხადეს.

რაც შეეხება ზარალის ოდენობას, მათი ინფორმაცით, დეტალების შესახებ ჯერ ცნობილი არ არის, რადგან ზარალი უნდა დაითვალონ.

„პირველადი კატეგორიის დაზიანებაა. პერიოდულად გადამოწმდება. საცხოვრებლად ვარგისია, უბრალოდ ჯერ არავის უშვებენ, რადგან დასასუფთავებელი და მოსაწესრიგებელია, თან დღეს დაიდო დასკვნა. ამ ეტაპზე, არც დენი და არც გაზი არ მიეწოდება კორპუსს. 6 ოჯახი გადავიყვანეთ, ვინც სასტუმროში გადასვლის სურვილი გამოთქვა და დანარჩენებმა თვითონ ნახეს ალტერნატიული ფართები. ჯერ უნდა განიხილონ როგორ მოიქცნენ ამ კორპუსთან მიმართებაში, რამე თუ სჭირდება. არ სჭირდება გამაგრება, მაგრამ გასასუფთავებელია, ექსპლუატაციაში უნდა შევიდეს ისევ, რომ მოწესრიგდეს, ამ ყველაფერს პროცედურა სჭირდება და როდის შეუშვებენ, ჯერ არ ვიცით.

ჯერ დეტალები არ ვიცით, ზარალი დასათვლელია. დღეს უბრალოდ ლაბორატორია იყო შესული და ნახა მდგომარეობა. ხვალიდან დაიწყებენ მუშაობას, დაითვლება ზარალი, რა გაკეთდება ჩვენი მხრიდან და ა.შ. ეს ყველაფერი ჯერ განსახილველია. დღეს ამაზე პასუხი არ ყოფილა“, - აცხადებენ გამგეობაში.

ცნობისათვის, 19 დეკემბერს, ვაზისუბნის დასახლებაში, ერთ-ერთ საცხოვრებელ კორპუსში აფეთქება მოხდა. დაშავდა ოთხი ადამიანი, მათ შორის ერთმა სხეულის დამწვრობა მიიღო.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა