სამების საკათედრო ტაძარში სახალხო არტისტის, ჯემალ ჭკუასელის სამოქალაქო პანაშვიდი მიმდინარეობს.
ჯემალ ჭკუასელი სამების საკათედრო ტაძარში გუშინ გადაასვენეს. სამოქალაქო პანაშვიდი 15:00 საათამდე გაგრძელდება, რის შემდეგაც მას მახათას მთაზე, ახალ პანთეონში დაკრძალავენ.
საქართველოს სახალხო არტისტი ჯემალ ჭკუასელი 86 წლის ასაკში გარდაიცვალა.
ჯემალ ჭკუასელი 1986 წლიდან იყო საქართველოს ხალხური სიმღერისა და ცეკვის სახელმწიფო აკადემიური ანსამბლის სამხატვრო ხელმძღვანელი, დირექტორი და მთავარი დირიჟორი. 1997 წლიდან კი ქართული ხალხური სიმღერისა და ცეკვის აღორძინებისა და დაცვის საერთაშორისო ფონდის დირექტორი. 2015 წლიდან კი ის "ერისიონის" მთავარი დირიჟორი იყო.