ნიკა მელია - ერთი მხრივ, ვალდებულები ვართ, ბრძოლა უფრო მაღალ სიხშირესა და ხარისხში ავიყვანოთ, ამავე დროს პასუხისმგებლები ვართ თითოეული მოქალაქის სიცოცხლეზე, ჯანმრთელობასა და ამ ქვეყნის სტაბილურობაზე

ერთი მხრივ, ვალდებულები ვართ, ბრძოლა უფრო მაღალ სიხშირესა და ხარისხში ავიყვანოთ, მაგრამ ამავე დროს პასუხისმგებლები ვართ თითოეული მოქალაქის სიცოცხლეზე, ჯანმრთელობასა და ამ ქვეყნის სტაბილურობაზე,- ამის შესახებ „ნაციონალური მოძრაობის“ თავმჯდომარე ნიკა მელიამ რუსთაველის გამზირზე მიმდინარე აქციაზე სიტყვით გამოსვლისას განაცხადა.

ამასთან, მელიამ საკუთარი გამოსვლა თვითმმართველობის არჩევნების შემდეგ გარდაცვლილი ბათუმის საკრებულოს ოპოზიციონერ წევრ ნუგზარ ფუტკარაძეზე საუბრით დაიწყო, მას მადლობა გადაუხადა და შეკრებილ საზოგადოებას წუთიერი დუმილით მისთვის პატივის მიგებისკენ მოუწოდა.

მელიას თქმით, ფუტკარაძე გახდა სიმბოლო „ხელისუფლების უსამართლობისა და სილაჩრის“.

„როგორც არასდროს, ჩამოყალიბებული ვართ იმ პოზიციაში, რომ გვინდა, ქვეყანა ვიხილოთ ისეთი, როგორიც ჩვენს წინაპრებს უნდოდათ. ამავე დროს გვაქვს უდიდესი პასუხისმგებლობა. 30 წლის წინ, ზუსტად დღეის სწორს, 21 დეკემბერს პირველი ტყვია გავარდა რუსთაველის გამზირზე. ქართველმა ქართველს ესროლა, რადგან შეურიგებელმა მტრობამ ეს შედეგი მოიტანა. ერთი მხრივ ვალდებულები ვართ, ბრძოლა მომდევნო დღეებში, კვირებში უფრო მაღალ სიხშირესა და ხარისხში ავიყვანოთ, მაგრამ ამავე დროს, ვალდებულები ვართ, გვახსოვდეს, რომ პასუხისმგებლები ვართ თითოეული მოქალაქის სიცოცხლეზე, ჯანმრთელობაზე და ამ ქვეყნის სტაბილურობაზე. ვიცით რა, რომ ვერაგი მტერია ჩვენი მოწინააღმდეგე, ვიცით, რომ როდესაც ვერაგ მტერს ებრძვი, შეუპოვარი უნდა იყო, მაგრამ ისიც უნდა გვახსოვდეს, რომ ვერაგი მტრის ერთ-ერთი ამოცანა სამოქალაქო დაპირისპირებაცაა",- განაცხადა ნიკა მელიამ.

გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
ქართული პრესის მიმოხილვა 11.08.2022
ტექინსპექტირების ცენტრების კავშირის თავმჯდომარე - ტექინსპექტირების გაუვლელობისთვის ჯარიმები ძვირდება - პირველადი ჯარიმა 50 ლარი დარჩება, ყოველი შემდგომი დაჯარიმებისთვის კი თანხა გაიზრდება
საქართველოში „ვებსტერის უნივერსიტეტის“ უცხოელი პროფესორების ვინაობა ცნობილია
BTU მსოფლიოს წამყვან კიბერუსაფრთხოების ორგანიზაციასთან თანამშრომლობას იწყებს
Fitch-მა "ლიბერთის" საკრედიტო რეიტინგის მოლოდინი "სტაბილურად" შეაფასა
„მოასწარი ზაფხული“ - ლიბერთის ახალი აქცია სამომხმარებლო სესხებზე დაიწყო