სალომე ზურაბიშვილმა, რელიგიური კონფესიებისა და რელიგიის საკითხთა სახელმწიფო სააგენტოს წარმომადგენლებს უმასპინძლა

საქართველოს პრეზიდენტმა, სალომე ზურაბიშვილმა, რელიგიური კონფესიებისა და რელიგიის საკითხთა სახელმწიფო სააგენტოს წარმომადგენლებს უმასპინძლა.

ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.

უწყების ცნობით, პრეზიდენტის სასახლეში სტუმრად იმყოფებოდნენ: რელიგიის საკითხთა სახელმწიფო სააგენტოსთან არსებული ინტერრელიგიური სათათბიროს წევრები, საქართველოს მართლმადიდებელი ეკლესიიდან დეკანოზი არჩილ ხაჩიძე, საქართველოს შეიხი, რამინ იგიდოვი, დასავლეთ საქართველოს მუფტი, ადამ შანთაძე, აღმოსავლეთ საქართველოს მუფტი, ეტიბარ ემინოვი, ლათინ კათოლიკეთა კავკასიის ადმინისტრაციის ხელმძღვანელი, ეპისკოპოსი ჯუზეპე პაზოტო, სომეხთა სამოციქულო მართლმადიდებელი ეკლესიის საქართველოს ეპარქიის წარმომადგენელი, მამა ნარეკ კუშიანი, თბილისის დიდი სინაგოგის თავმჯდომარე, მერაბ ჩანჩალაშვილი და რაბინი რახამინ მურდუხაშვილი, ევანგელურ-ლუთერული ეკლესიის ეპისკოპოსი, მარკუს შოხი, თბილისის საერთაშორისო ბაპტისტური ეკლესიის პასტორი ჩარლზ ჰობლიცი და პასტორი კახაბერ ჩხაიძე, საქართველოს ბაპტისტური ეკლესიების კავშირის ეპისკოპოსი გია კანდელაკი, ევანგელურ-პროტესტანტული ეკლესიის უფროსი პასტორი, გიორგი ჩიტაძე, საქართველოს ეზიდთა სასულიერო საბჭოს თავმჯდომარე, დიმიტრი ფირბარი, სახარების რწმენის ეკლესიის პასტორი, გურამ იმერლიშვილი, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, სტრატეგიული კვლევის, ანალიზისა და რეგიონების სამსახურის უფროსი, ნინო ჭავჭავაძე და პროტოკოლის მენჯერი გვანცა ცხოვრებაძე.

ამასთან, საქართველოს პრეზიდენტს სტუმრები წარუდგინა და სააგენტოს მიერ განხორციელებული პროექტები გააცნო რელიგიის სააგენტოს თავმჯდომარემ, ზაზა ვაშაყმაძემ. მისი თქმით, ის ტოლერანტული გარემო, რომლითაც საქართველო მსოფლიოში გამორჩეული ქვეყანაა, სხვებთან ერთად, სწორედ რელიგიური ლიდერების დამსახურებაა.

საქართველოს პრეზიდენტმა, სალომე ზურაბიშვილმა, დამდეგი ახალი, 2022 წელი მიულოცა მოწვეულ სტუმრებს და ისურვა, რომ მომავალი წელი საქართველოსთვის ეროვნული ერთობით გამორჩეული იყოს, რადგან სწორედ ეროვნული თანხმობა მოგვცემს საშუალებას, რომ ქვეყანა განვითარების ახალ ეტაპზე გადავიდეს.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!