გრიგოლ გეგელია - მესმის "ნაციონალური მოძრაობის" გადაწყვეტილების - სააკაშვილი არის პოლიტიკური პატიმარი, ის სამართლიანი სასამართლოს უფლებით არ სარგებლობდა და არ სარგებლობს

რასაკვირველია, მესმის მათი გადაწყვეტილების, რაც შეეხება პრობლემის გადაჭრას, პრობლების რეალური გადაჭრა სამართლიანი სასამართლოს შექმნაშია , - ასე შეაფასა „ლელოს“ წევრმა, გრიგოლ გეგელიამ „პალიტრანიუსის“ გადაცემაში „პოლიტიკური სივრცე“ „ერთიანი ნაციონალური მოძრაობის“ გადაწყვეტილება, მასობრივი შიმშილობის პროტესტის დაწყებასთან დაკავშირებით.

მისი თქმით, ვიდრე ამ ქვეყანაში სამართლიანი სასამართლო არ იქნება, პოლიტიკურ დევნას ყოველთვის ექნება ადგილი.

როგორც ოპოზიციონერმა პოლიტიკოსმა აღნიშნა, ყოფილი პრეზიდენტი, მიხეილ სააკაშვილი პოლიტიკური პატიმარია.

„რასაკვირველია, მესმის მათი გადაწყვეტილების. იმ პირობებში, რომელშიც კონკრეტულად „ნაციონალურ მოძრაობა“ და ეს ქვეყანა იმყოფება, ჩემთვის გასაგები გადაწყვეტილებაა.

რაც შეეხება პრობლემის გადაჭრას, პრობლების რეალური გადაჭრა სამართლიანი სასამართლოს შექმნაშია. ვიდრე ამ ქვეყანაში არ გვექნება სამართლიანი სასამართლო, არ გვექნება არაფერი. სააკაშვილი იქნება თუ სხვა გვარი იქნება, ყოველთვის გვექნება პოლიტიკური დევნა პოლიტიკური ლიდერის წინააღმდეგ. აქედან გამომდინარე, საზოგადოებაში ყოველთვის გვექნება ექსტრემალური პოლარიზება, რაც შეუძლებელს გახდის საჯარო დებატს.

სააკაშვილი არის პოლიტიკურ პატიმარი და მართლმსაჯულების მსხვერპლი და საგანი. ის სამართლიანი სასამართლოს უფლებით არ სარგებლობდა და არ სარგებლობს. ის არ განუსჯია სამართლიან სასამართლოს და ამიტომ ვამბობთ, რომ ის არის პოლიტიკური პატიმარი“, - განაცხადა გრიგოლ გეგელიამ.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა